EKSPOǦA – BIREGEI BAǦDARLAMA

Qala äkımdıgı «EXPO-2017» körme qonaqtaryna qyzyqty baǧdarlama äzırledı. 

Mädeni-būqaralyq şaralardyŋ baǧdarlamasynda qazaqstandyq jäne şeteldık änşılerdıŋ konsertı, teatrlandyrylǧan festival, sirk qoiylymdary, halyqaralyq KTK kubogy bar. Ūiymdastyruşylar şet aimaqtaǧy tūrǧyndar da qyzyqtan qūr qalmai, konsertke qatysuǧa mümkındık alady dep otyr. «The Spirit of Astana» fes­tivalı 23-24 mausymda ötkızıledı. Bäiterek monumentı alaŋy aldynda Qazaqstan, Afrika, Vengriia, Makedoniia, Resei, AQŞ jäne özge elderdıŋ muzykalyq toptary öner körsetedı. Keştıŋ qonaǧy dep ekı märte «Gremmi» syilyǧynyŋ iegerı, amerikalyq didjei Karmen Rizony aituǧa bolady. Astanalyq sirkte 14 şıl­deden 13 tamyzǧa deiın subūrqaq şouyn tamaşalau­ǧa bolady. «San-Remo jūl­dyz­­darynyŋ» konsertıne qatysqyŋyz kelse, 19 şıldede «Qazaqstan» ortalyq konsert zalyna kelıŋız.

Qazaq halqynyŋ süiıktı üştıgıne ainalǧan top «Muz­Arttyŋ» konsertı 3 şılde künı «Qazaqstan» ortalyq konsert zalynda ötedı. 10 şılde künı «Astana» konsert zalynda sazger Altynbek Qorazbaev önersüier qauymmen qauyşady. Aiqyn Tölepbergen qalalyq alaŋda 21 şıldede janküierlerıne arnap konsert berse, 26 şıldede «Astana» konsert zalynda Seken Tūrysbektıŋ şyǧarmaşylyq keşı ūiymdas­tyrylmaq. Al «Qazaqstan» ortalyq konsert zalynda Ūlyqpan Joldasov şyǧarmaşylyq keşın 30 şıldede beredı. Önerde de, ömırde de qol ūstasqan qos jūp – Bürkıt pen Aişanyŋ konsertı qalalyq alaŋda 26 tamyzda ötedı.«Astana Art Fest» festivalıne elımızdıŋ eŋ kreativtı jastary jinalyp, şetelden 70-ke juyq avtor öz eksponattaryn qoiady. 17 mausymda «Nūrjol» jelegınde festivaldıŋ aşylu saltanaty ötedı.

EKSPO körmesınıŋ eŋ qyz­ǧan şaǧy men elordanyŋ tuǧan künı tūspa-tūs kelgendıkten, äkımdık «Şaşu» halyq biı festivalın, «Aziia jaŋǧyryǧy» sirk önerı festivalın, dästürlı oryndauşylardyŋ «Astanaǧa tartu» konsertın, türık muzykasynyŋ «Astana Arqau» festivalın, ürmelı aspaptar orkestrlerınıŋ «Astana samaly» festivalın, «Serper» halyq aspaptary orkestrlerınıŋ festivalın, «Şattyq» balalar festivalın elımızdegı osy eleulı oqiǧasyna arnap otyr.

Güldana TALǦATQYZY