Elderdı eleŋ etkızgen
Barak Obama – prodiuser
AQŞ-tyŋ būrynǧy prezidentı Barak Obama men zaiyby Mişel Netflix kompaniiasymen filmder men serialdarǧa prodiuserlık etu turaly köp jylǧy kelısımşartqa qol qoidy. Erlı-zaiyptylar būl baǧytta kadr syrtynda ǧana emes, kadr ışınde de jūmys ısteitın bolady.
Obama prezidenttık qyzmetten ketken soŋ ūzaq uaqytqa demalys alatynyn mälımdegen edı. Sol demalysy aiaqtalǧan sekıldı. Künı keşe ǧana Barak jäne Mişel Obamalarmen kelısımşartqa otyrǧanyn habarlaǧan Netflih onyŋ somasyn jariialamady.
AQŞ-tyŋ būrynǧy prezidentı zaiybymen bırge atalmyş kompaniiaǧa filmderdı, serialdardy tüsıredı. Onyŋ ışınde derektı, ǧylymi-tanymal tuyndylardy jasap, ädebi şyǧarmalardy ekranǧa şyǧarumen ainalysuy mümkın. Ol üşın Higher Ground Productions atalatyn kompaniiany da qūrdy.
TMD-ny tärk ettı
Ukraina TMD şeŋberındegı jekelegen halyqaralyq kelısımderdıŋ küşın toqtatty. Ol eldıŋ prezidentı Petr Poroşenkonyŋ tiıstı jarlyǧymen jüzege asty.
Atalmyş qūjatty: «Ukraina Konstitusiiasynyŋ 107-babyna säikes qauly qabyldaimyn: Ukraina Ūlttyq qauıpsızdık jäne qorǧanys keŋesınıŋ 2018 jylǧy 2 mamyrdaǧy «Ukraina
üşın Täuelsız Memleketter Dostastyǧynyŋ şeŋberınde jasalǧan jekelegen halyqaralyq kelısımder äreketın toqtatu turaly» şeşımı küşıne engızılsın» delıngen.
Jarlyqqa 19 mamyrda qol qoiylypty. Sol künı memleket basşysy: «endı onda atqaratyn eşteŋe qalǧan joq, bız Europaǧa qarai jyljimyz» degen uäjben eldıŋ TMD-nyŋ jarǧylyq organdaryndaǧy uäkılderın tügel kerı şaqyrtyp aldy.
Ukrainada TMD qūramynan şyǧu daiyndyǧy säuır aiynda bastalǧan edı. Bıraq TMD atqaru komitetı būdan keiın de būl eldıŋ ökılderın otyrystar men şaralarǧa şaqyra beretın bolyp otyr. Ūiymdaǧylar mūny, odaqtan şyqqandaryn jariialaǧanymen, Kievten resmi qatynastyŋ kelmegenımen tüsındırıp otyr.
Dostastyq 1991 jylǧy jeltoqsanda qūrylǧan. Onyŋ negızın Resei, Ukraina jäne Belarus qalady. Keiın onyŋ qūramyna Pribaltikadan bölek, barlyq būrynǧy odaqtas respublikalar kırdı.
İran yǧatyn emes
AQŞ İranǧa qarsy sanksiia engızuge kırısıp kettı. Keşe Qūrama Ştattardyŋ memlekettık hatşysy Maikl Pompeo Tegeranǧa 12 türlı talap qoiylatynyn mälımdedı.
Bıraq būdan yǧa qoiaiyn dep otyrǧan İran joq. Parsy elınıŋ basşylyǧy endı Vaşingtondy «sotqa süirep äureleitının» bıldırdı. Olardyŋ paiymynşa, mūhittyŋ arǧy jaǧalauynda derjava egemen eldıŋ ışkı ısterıne aralasyp, täuelsızdıgıne qater töndırıp keledı.
İran jaǧy qazır Europa odaǧynyŋ Aq üi jasaǧan ultimatumǧa qalai jauap beretının kütıp otyr. Eger odaq Vaşingtonnyŋ aitqanymen ketıp, sanksiia jariialaityn bolsa, ol özınıŋ iadrolyq baǧdarlamasyna qaita oralatynyn aşyp aitty. Küllı älemdı alaŋdatyp otyrǧan da osy mäsele. Jaǧdaidyŋ mūndai ainalym alyp ketuıne AQŞ-tyŋ Germaniia, Fransiia, Britaniia siiaqty odaqtastarynyŋ qai-qaisysy da kelısıp otyrǧan joq. Olar Vaşingtonnyŋ İran iadrolyq kelısımınen şyǧuyna qarsy şyqqan bolatyn.
Al keşe keşke Europa odaǧynyŋ kezektı otyrysy bastaldy. Onda AQŞ pen İran arasyndaǧy mäsele de qaralmaqşy.