Tramptyŋ qarqyny qatty
Briusselde beisenbı künı ötken NATO sammitınde Donald Tramp atalǧan ūiymnan şyǧyp ketetının aityp, odaqtastaryn qorqytty.
AQŞ prezidentı müşe elder Soltüstık aliansqa beretın qarjylaryn köbeitpese, tap osylai jasaitynyn mälımdedı. «Eger ärıptesterım tez arada özderınıŋ jalpy ışkı önımderınıŋ 2 paiyzyn qorǧanys salasyna bölmeitın bolsa, amerikalyqtar özderınıŋ müddelerıne säikes keletın ısterdı jürgızetın bolady» dedı Tramp sammitte söilegen sözınde.
Sammittıŋ ekınşı künınde, baǧdarlamaǧa sai, äŋgıme Ukrainamen jäne Gruziiamen kelıssözder jürgızu, Auǧanstandaǧy ahualdy talqylauǧa baǧyttaluy tiıs edı. Bıraq Donald Tramp alǧaşqy küngıdei taǧy da sözdı bırden būzyp tastap, özınıŋ būǧan deiın aityp kele jatqan mäselesın qystyryp jıberdı.
Būdan aldyn Germaniia tarapy sammitte qorǧanysqa jūmsalatyn şyǧyndy Vaşington talap etken deŋgeige jetkızetının mälımdegen edı. Endı GFR ükımetı 2024 jylǧa deiın jalpy ışkı önımnıŋ 1,5 paiyzyn osy maqsatqa jūmsaityn boldy.
Tälıpter töbeden tönıp tūr
Auǧanstandaǧy «Taliban» qozǧalysynyŋ sodyrlary Täjıkstanmen aradaǧy şekara boilaryn basyp aldy.
Keşe olar şekaradaǧy Hvadja Ghar uezınıŋ şekara aumaǧyn baqylauǧa aldy. Endı olardyŋ būl öŋırdıŋ barlyq territoriiasyn basyp alu qaupı tönıp tūr. Būǧan qosa, qoŋsylas jatqan Daşti-Kala, Iаngi-Kala jäne Dargad şaharlary da tälıpterdıŋ qarauyna ötıp ketuı mümkın.
Auǧanstan ükımetı äzırge būl qaruly qaraqşylardy qaitara alatyndai küşke ie bolyp otyrǧan joq. Al «Taliban» jauyngerlerı taǧy Qūndyz provinsiiasyndaǧy Taharmen körşı jatqan Daşti-Archi uezınıŋ Puli Momand qalasynda tūrǧan ükımet äskerlerı bölımşesıne şabuyl jasady. Ūrysta auǧan armiiasynyŋ 32 äskeri qyzmetkerı qaza tauyp, 20 sarbaz jaralanyp qaldy. Sodyrlar olardyŋ barlyq qaru-jaraqtaryn, tehnikalary men oq-därılerın özderımen bırge alyp kettı.
Tasqyn qūrbandary – 195 adam
Japoniianyŋ batys qaptalynda oryn alǧan nöpır su tasqynynda qaza tapqandar sany 195 adamǧa jettı.
Kyodo agenttıgınıŋ habarlauynşa, būlardan bölek taǧy 60 adam habar-oşarsyz ketken. Qazır ızdestıru jūmystaryna 70 myŋnan astam adam tartylǧan. Taǧy 6,7 myŋ adam baspanasyz qalǧan.
Premer-ministr Sindzo Abe tasqynnan qatty zardap şekken Okaiama provinsiiasynda bolyp, ondaǧy naqtyly jaǧdaimen tanysty. Al jūma künı kelesı prefektura – Ehimege attandy.
Japoniiada su tasqyny 7 şıldede bastalyp, barlyǧy 15 prefekturany topan basyp qaldy. Nätijesınde jüzdegen ǧimarat qirap, avtomobil jäne temırjoldar bülınşılıkke ūşyrady. Bilık qauıp qyspaǧynda qalǧan 6 mln tūrǧyndy basqa jaqqa köşuge şaqyryp otyr. Tasqyn saldarynan Mazda jäne Mitsubishi kölık jasau zauyttary jūmystaryn toqtatty.
