QARALY KÜN JARİIаLANDY
İran elınıŋ Ahvaz qalasyna terrorlyq şabuyl jasalyp, 30-ǧa juyq adam qaza boldy. Būǧan qosa, 60-tan asa tūrǧyn türlı deŋgeide jaraqat aldy.
Qandy şabuyl ötken senbı künı äskeri şeru kezınde boldy. Tribuna artynda äskeri kiım kigen belgısız bıreuler ainalasyna oq jaudyrǧan. Huzestan provinsiiasy gubernatorynyŋ mälımetı boiynşa tört adam şabuyl jasap, olardyŋ üşeuı oqiǧa ornynda mert bolsa, qalǧan bıreuı auruhanada köz jūmǧan. Degenmen köp ūzamai būl ärekettı «Al-Ahvaziia» men DAİŞ sodyrlar toby öz moinyna aldy.
«Ahvazdaǧy terakt dūşpandardyŋ İran halqy men memleketın joiudy közdeitının bıldıredı. Alaida mūndai qaiǧyly jaǧdai qaita bırlıgımızdı küşeite tüsedı» deidı el ükımetınıŋ habarlamasynda. Būǧan qosa, İran ükımetı osy ıske qatysy bar küdıktıler tolyǧymen anyqtalyp, tiıstı jazasyn alatynyn mälım ettı.
Düisenbı künı İranda jalpy aza tūtu künı bolyp belgılendı. Al teraktıden qaza bolǧandardy jerleu räsımı Ahvazda ötedı.
BOSQYNDARǦA ŞEKTEU QOIYLMAQ
AQŞ prezidentı Donald Tramp äkımşılıgı memlekettıŋ jeŋıldıkterın paidalanatyn immigranttarǧa qatysty federaldy normany qabyldaudy ūsynady.
Būl norma boiynşa azyq-tülık talondary, Medicaid baǧdarlamasy boiynşa medisinalyq kömek alu sekıldı immigranttarǧa arnalǧan jeŋıldıkter endı qiyndai tüspek. Sol siiaqty AQŞ azamattyǧyn alu, Green Card mäselesı de qaita qaralady.
AQŞ-tyŋ ışkı qauıpsızdık ministrlıgınıŋ mälımetıne säikes, būl norma bosqyndar men Qūrama Ştattarǧa bas sauǧalap kelgenderge qoldanylmaidy. Donal Tramp äkımşılıgı būl bastamany äskeri qyzmetkerlerge de qoldanbaudy ūsynyp otyr.
Aita keteiık, byltyr Niu-Iorktegı qandy oqiǧadan keiın el prezidentı Green Card vizalyq lotereiasynan bas tartatynyn mälım etken.
EŊ ALǦAŞQY JANUAR ANYQTALDY
Arheologtar Aq teŋız maŋaiynan eŋ alǧaşqy januardyŋ ızın anyqtady.
Ǧalymdar oǧan Dikonsoniia degen atau berıp otyr. Bastapqy zertteu boiynşa onyŋ ūzyndyǧy men enı şamamen 1,4 metrdı qūraidy. Būǧan qosa, tırşılık iesınıŋ su january bolǧany anyqtaldy. Al süiekterıne taldau jürgızılıp, onyŋ 558 million jyl būryn ömır sürgenı belgılı boldy.
Bas maman Iohen Brokstıŋ aituynşa, aldaǧy uaqytta alǧaşqy januar jaily tolyǧymen zertteu jūmystary jürgızılıp, anyq-qanyǧy jariialanbaq. Sonymen qatar, osy arqyly jer betınde ömır sürgen alǧaşqy januar turaly dau basylatynyn jetkızdı.
Aian ÄBDUÄLİ
