Būqaralyq aqparat qūraldarynyŋ ökılderı arasynda dästürge ainalǧan VAQ liga chempionatynyŋ jazǧy mausymy aiaqtaldy.
Törtınşı märte ūiymdastyrylyp otyrǧan bırınşılıkke būl joly aitarlyqtai özgerıs engızıldı. Basty erekşelıgı – liga «A» jäne «V» bolyp, ekı topqa bölındı.
«Elorda Aqparat» ūjymy ötken qysqy mausymǧa qatyspaǧany sebeptı «V» tobyndaǧy komandalarmen küş synasty. Jetı komanda bas qosqan bäigede ärıptesterımız 12 oiyn ötkızıp, sonyŋ ekeuınde ǧana teŋ tüsse, qalǧan matchtarda jeŋıske jettı. Bas-aiaǧy 32 ūpai jinap, qarsylastarynan qara üzıp kettı. Söitıp «V» ligasynyŋ merzımınen būryn chempiony atandy. Al ekınşı orynǧa 24 ūpaimen tūraqtaǧan «Habar 24» jıgıtterı de qysqy mausymdy joǧary ligada ötkızetın boldy. Al 21 ūpai jinaǧan «Qazaqstan» telearnasy ūjymynyŋ da däl osy jetıstıkke jeter mümkındıgı bolyp edı. Alaida şeşuşı kezdesude «Sport 59» komandasyna 1:6 esebımen jol berıp qoidy.
Turnirdıŋ soŋǧy künı mausym boiy közge tüsken oiynşylar nazardan tys qalmai, arnaiy nominasiialarmen marapattaldy. Qarsylastar qaqpasyn 26 ret tulatqan, qatarlastarynan oza şapqan «elordalyq» Beksattar Sattar «Üzdık sūrmergen», sonymen qatar «Üzdık şabuylşy» ataǧyn alsa, «Üzdık oiynşy» nominasiiasynda «Elorda Aqparattyŋ» kapitany – Eltai Nūrǧazin top jardy. Al «Üzdık qorǧauşy» syilyǧy «habarlyq» Aiat Düisembaevqa būiyrsa, «Qalamger» qaqpaşysy Qanat Bazylhan özgelerden bır saty joǧary boldy.
Al «A» ligasynda «Habar» agenttıgınıŋ jıgıtterı kezektı ret jeŋıske jetse, el gazetı – «Egemen Qazaqstan» ūjymy jeŋımpazdan ekı ūpaiǧa qalyp, kümıs jüldeger atandy. Al qola medal Aqparat jäne kommunikasiialar ministrlıgınıŋ SAİ komandasyna būiyrdy. Liganyŋ «Üzdık oiynşy» syilyǧyna «Qazmedia» komandasynyŋ şabuylşysy Qūmarbek Azat ie boldy.
Jazdan şyǧyp küzge ūlasqan bäsekenıŋ kıl myqtylaryn marapattauǧa Qazaqstan futbol federasiiasy prezidentınıŋ keŋesşısı, qazaq futbolynyŋ aŋyzyna ainalǧan Seidılda Baişaqov, «Elorda Aqparat» JŞS direktory Qaisar Jūmabaiūly, «Egemen Qazaqstan» gazetınıŋ basşysy Darhan Qydyrälı, «Habar» agenttıgı AQ töraǧasynyŋ orynbasary Renat Kertaev, belgılı sport kommentatory Amangeldı Seiıthan sekıldı eleulı azamattar qatysty.
Öz kezegınde Seidılda Baişaqov «Üzdık oiynşy» ataǧyn alǧan Eltai Nūrǧazinge jüldesın tabystap tūryp, jarysqa qatysqan barlyq jurnalisterdı, jarysty ūiymdastyruşylardy chempionattyŋ sättı aiaqtaluymen qūttyqtap, osyndai turnirlerdıŋ dästürge ainaluy būqaralyq sporttyŋ jandanǧanyn körsetedı dep atap öttı.
Aita ketsek, «Elorda Aqparat» ūjymy ötken jazda, iaǧni «VAQ Liganyŋ» ekınşı mausymynda kümıs jüldeger atanǧan bolatyn. Sondai-aq biyl jazda Seidahmet Berdıqūl atyndaǧy dästürlı respublikalyq turnirdıŋ finalisı boldy.
Sonymen ala jazdai jurnalister qauymyn ala dopqa arbaǧan qyzyqty da tartysty futbol merekesı de märesıne jettı. Jarystyŋ negızgı ūiymdastyruşysy «VAQ Liga» jobasynyŋ jetekşısı Äziz Jūmadıl myrzaǧa alǧys bıldıremız.
