Sausaq taŋbasy – kölık kıltı
Oŋtüstıkkoreialyq avto öndıruşıler sausaq taŋbasymen otaldyruǧa bolatyn kölıkterdı ıske qospaq.
Hyundai kompaniiasy kädımgı smartfondardyŋ betın kodsyz sausaq tabymen aşatyny siiaqty kölıkterdıŋ esıgın de kıltsız aşuǧa bolatynyn aitady. Tıptı jürgıze de alasyz. Ärbır kölıkte ekı sensordan bolady. Bırı syrtynda kırıp-şyǧuǧa, ekınşısı röldıŋ janynda kölıktı otaldyruǧa baǧyttalady. Eger kölıktıŋ bırneşe jürgızuşısı bolsa, olardyŋ ärqaisysyn jeke-jeke tanyp, ärqaisysynyŋ yŋǧaiyna qarai oryndyǧy, rölı, ainasy jäne basqa da parametrlerı avtomatty türde özgeredı.
Būl jaŋa jüiemen ıske qosylatyn bırınşı kölık Hyundai Santa Fe krossoverı bolady. Ol 2019 jyldyŋ bırınşı jartysynda şyqpaq.
Rojdestvo toilanbaidy
Qytaidyŋ Hebei provinsiiasyna qarasty Lanfan qalasynda Rojdestvo merekesı toilanbaityn boldy. Jergılıktı bilık būl meiramnyŋ atap ötıluıne tyiym saldy.
South China Morning Post basylymy köşelerge şyrşalar ılınıp, türlı merekelık atributikany qoldanuǧa, olardy satuǧa, sondai-aq osy meiramǧa orai ıs-şaralar ūiymdastyruǧa şekteu qoiylǧanyn habarlady.
Būǧan qosa qala tūrǧyndarynyŋ öz terezelerın Rojdestvoǧa qatysty türlı zattarmen sändeuge bolmaidy. Osyǧan bailanysty 23-25 jeltoqsan aralyǧynda qūqyq qorǧau organdarynyŋ bükıl ştaty merekenı toilaudyŋ aldyn alu üşın qalany küzetuge şyqpaq.
«Qazynaǧa» toly ǧalamşarlar
Şveisariia men Ūlybritaniia universitetterınıŋ ǧalymdary bırlese otyryp, «qazynaǧa» toly ǧalamşarlardy tapty.
Ǧalymdar äzırge üş planetany anyqtady. Olardyŋ bırı «HD 219134 b» dep atalady. Ol Jerden 21 jaryq jyl qaşyqtyqta ornalasqan. Al ekınşısıne «55 Cancri» degen atau berılgen. Būl ǧalamşar Jerden 41 jaryq jyl qaşyqtyqta ornalasqan. Üşınşısı – «WASP-47 e». Ol tıpten alys, şamamen 870 jaryq jyl mölşerınde ornalasqan. Olar şaŋ men gazdan qūralyp, ülken planeta bolyp qalyptasqan körınedı. Osynyŋ äserınen mūnda kremnii, temır, magnii sekıldı elementter paida bolǧan. Al «55 Cancri» planetasynyŋ alyp almaz tasqa ūqsaityny Astrophysical Journal Letters jurnalyna jariialanǧan.
Jaryq jyly – jaryqtyŋ bır jylda ötıp şyǧatyn qaşyqtyǧy.
