Keşe Aqordada Prezident Nūrsūltan Nazarbaev elımızde ötken prezident sailauynyŋ qorytyndysyna bailanysty otandyq jäne şeteldık aqparat qūraldary ökılderımen baspasöz mäslihatyn ötkızdı.
Älbette, jurnalister kezekten tys ötken prezident sailauy turaly Elbasynyŋ pıkırın bıluge qūmartty. N.Nazarbaev Qazaqstan halqy assambleiasynyŋ ūsynysymen bastalǧan osy sailau taǧy bır märte qazaqstandyqtardyŋ bırlıgın däleldep bergenın atap öttı.
– Taŋ atysymen halyq bala-şaǧasymen bırge dauys beru üşın kezekte tūrdy. Sailau künı tura mereke siiaqty öttı. Būl – elde jürgızılıp otyrǧan saiasatty halyqtyŋ qoldaitynynyŋ, el bırlıgınıŋ dälelı. Bızge bölınu emes, bırıgu qajet ekenın jūrtşylyq tüsındı. Qazaq ejelden-aq bırıgu üşın küresıp keledı. Bızdıŋ ūdaiy ūstanatyn saiasatymyz da – tūraqtylyqty saqtai otyryp, bolaşaqqa qadam basu. Sailaudan keiın de ışkı-syrtqy saiasatymyz özgermeidı. Sebebı, halyqtyŋ özı osy joldy qoldap otyr, – dedı Prezident.
Qalyŋ köpşılık sailaudan keiın ülken özgerıster bolatyndai kütıp jür. Äsırese, teŋge qūnsyzdanady degen qaueset taraǧaly qaşan. Elbasy būl mäselege de nükte qoidy.
– Teŋge devalvasiiaǧa ūşyraityndai eşqandai da alǧyşarttardy körıp tūrǧan joqpyn. Būǧan deiın Resei rublıne qatysty teŋge baǧamynda da bırşama qūbylular bolǧany ras. Sebebı, körşı elmen tauar ainalymy, sauda-sattyq jaǧynan bolsyn, tyǧyz bailanystamyz. Sondyqtan, rubldıŋ äser etpeuı mümkın emes. Al qazır teŋge tūraqty. Bügınde teŋgenı erkın ainalymǧa jıberu mäselesımen ainalysyp jatyrmyz. Būl – kürdelı mäsele. Ol üşın elımızdıŋ qarjylyq jüiesı damuy kerek. Halyqaralyq valiuta qorymen bırlesıp atqaratyn jūmystar da barşylyq. Būǧan kemı bes jyldai uaqyt kerek. Sondyqtan, halyqtyŋ teŋgege qatysty alaŋdamauyna bolady, – dedı Elbasy.
Memleket basşysy sailaudan keiın eşqandai da kürt özgerıster bolmaitynyn aitty. «Eger eldıŋ jaǧdaiyna qatysty qandai da bır kürdelı özgerıster engızıletın bolsa, ol turaly aldymen özım aitatynymdy eskertkım keledı. Sondyqtan, köŋıldegı küdıktı seiıltıp, ädettegıdei jūmysymyzdy jürgıze beruımız kerek» dedı ol.
Memleket basşysy elımızde qolǧa alynǧan äleumettık baǧdarlamalardyŋ, el ekonomikasyn damytuǧa baǧyttalǧan keşendı jūmystardyŋ bärı jalǧasyn tabatynyn jetkızdı.
«EKSPO» halyqaralyq körmesı turaly saual tastaǧan jurnalistke jauap retınde Elbasy osynau maŋyzdy şaraǧa bailanysty jūmystardyŋ barlyǧy keste boiynşa jürgızılıp jatqanyn, onyŋ bärı tıkelei özınıŋ qadaǧalauynda ekenın aitty.
Būiyrtsa, 2016 jyldyŋ küzınde «EKSPO-2017» körmesınıŋ barlyq nysandarynyŋ qūrylysy aiaqtalmaqşy.
* * *
Keşe Astanadaǧy «Saryarqa» velotregınde elordalyq sailauşylardyŋ «Jeŋımpazdar forumy» atty şarasy öttı. Būl şara barysynda 8 myŋ astanalyqtar Nūrsūltan Nazarbaevqa qoşemet bıldırdı.
Qymbat NŪRǦALİ
