Elektrondyq äkımdık
Bes qabat üi ballonǧa bailanyp otyr
Täuelsızdık daŋǧyly, №20 üidıŋ tūrǧynymyn. Osydan on jyl būryn aulamyzda toǧyz qabatty üi boi kötergennen keiın, körşıles tūrǧan üş bes qabatty «malosemeikany» ortalyqtandyrylǧan gazdan ajyratyp tastaǧan. Gazgolderdı toǧyz qabattyǧa qaratty da, qūbyrlary sol küiı aldy. Qazır qanşa jerden ört qauıpsızdıgın būzsaq ta, bes qabat üidıŋ barlyq tūrǧyndary gaz ballonǧa bailanyp otyr. Eger jarylsa, külı kökke ūşqan «Besobanyŋ» kökesı bızde bolady. Elektr peş qosa almaimyz, öitkenı, eskı jelı kerneudı kötermeidı.
Elena Bessonova
Ötınış 4 mausymda tüsıp, 8 künde jauap berıldı.
Qūzırettı mekeme ne deidı?
Energetika jäne kommunaldyq şaruaşylyq basqarmasy:
2008 jyly Astana qalasynyŋ Energetika jäne kommunaldyq şaruaşylyq basqarmasy ısten şyqqan gaz taratuşy qūrylǧylardy qalpyna keltıru boiynşa jobalyq-smetalyq qūjattama daiyndaǧan, alaida, qarjylandyru bolmaǧandyqtan toqtatyldy. 2011-2020 jyldarǧa arnalǧan Tūrǧyn üi-kommunaldyq şaruaşylyǧyn modernizasiialau baǧdarlamasy aiasynda Täuelsızdık daŋǧylyndaǧy №20, küişı Dina köşesındegı № 2/1, 2/2 üilerge kürdelı jöndeu jürgızıldı (injenerlık jelıler men qūrylǧylar auystyryldy, şatyry, qasbetı, kıreberısterı jöndeldı). Älgınde aitqan küişı Dina köşesındegı ekı üidıŋ şyǧyn smetasynda syrtqy elektr jelılerı men jabdyqtaryn jaŋǧyrtu jūmystary qarastyryldy, sondyqtan da olar elektr qūrylǧylaryn erkın qosa alady. Al Täuelsızdık daŋǧylyndaǧy sız tūratyn №20 üide mūndai jūmys türlerı alynyp tastaldy.
Aspaz bolǧym keledı
Men – orta bılımdı jäne bala tärbiesımen üide otyrǧan äielmın. Basqa mamandyqty igergım keledı. Mysaly, aspaz. Ol üşın ne ısteuım kerek? Sızder oqytyp, bırden jūmysqa tūrǧyzasyzdar ma?
Gülnūr Ötegenova
Ötınış 5 mausymda tüsıp, 4 künde jauap berıldı.
Qūzırettı mekeme ne deidı?
Jūmyspen qamtu jäne äleumettık baǧdarlamalar basqarmasy:
Bızder jūmyssyzdardy är türlı mamandyqtar boiynşa käsıptık kurstarǧa, sonyŋ ışınde, «Aspazşy» mamandyǧyna oqytamyz.
Oqytu mäselesı boiynşa Brusilovskii köşesı, 17/3 üide ornalasqan Jūmyspen qamtu ortalyǧyna mynadai qūjattardy (jeke kuälık, eŋbek kıtapşasy) jinap, alyp kelseŋız bolady.
Daudyŋ basy – «Doremix» dämhanasy
Osydan būrynǧy ötınışımızde bız «Jeŋıs» tūrǧyn üi keşenındegı «Doremix» dämhanasyna kezektı eskertu bere salmai, bırjola japtyrudy sūrap edık. Taǧy da esterıŋızge salaiyq, dämhananyŋ tūrǧyn üide, tıptı anau-mynau emes, kıreberıs esıkten bır metrdei jerde ornalasuy zaŋǧa qaişy. Keşkı besten qūla taŋǧa deiın u-şuy basylmaityn dämhanaǧa keluşıler arasynda töbeles jiı bolady, esıgımızdıŋ aldy qanǧa bögıp jatady. Odan qaldy, ışıp alǧandar tünı boiy terezemızdıŋ tübınde dauryǧyp äŋgıme aitady, soŋdarynan är jerde şaşylǧan temekı tūqyly, bosaǧan bötelke qalady. Kölıktı kıreberıske köldeneŋ qoiyp, azyq-tülık tasityny taǧy bar. Osynyŋ bärı bızderdı äbden tityqtatty. Eger doǧarylmasa, Ekonomikalyq qylmys jäne sybailas jemqorlyqpen küres komitetıne deiın aryzdanamyz.
Olesia Smolanova
Ötınış 28 mamyrda tüsıp, 20 künde jauap berıldı.
Qūzırettı mekeme ne deidı?
Işkı ıster departamentı:
«Saryarqa» audandyq IIB poliseilerı «Doremix» dämhanasynyŋ äkımşısı A. Sailaudy Äkımışılık qūqyqbūzuşylyq kodeksınıŋ 387-baby boiynşa jauapkerşılıkke tartty. Odan ärı qoǧamdyq tärtıptı būzǧany üşın Moldaǧūlova köşesındegı №19 polisiia bölımşesıne şaǧymdana alasyz. Al eger onymen toqtamasa, sotqa jügınuıŋızge bolady.
Oŋaşa oryn sailady
Bügın, iaǧni 10 mausymda küişı Dina köşesındegı №31 üidıŋ bırneşe tūrǧyndary aulanyŋ bır būryşyna qada qaǧyp, şynjyrlap, kölık oşaratyn oŋaşa oryn jasap aldy. Qorşau ortaq qoldanystaǧy jerdı, naqtylai aitsam, qoqys jäşıkterı, balalardyŋ oiyn alaŋy jäne transformator üişıgınıŋ aralyǧyn alyp jatyr.
Kemı segız kölık syiatyndai aumaq. Osylaişa, kölıgımızdıŋ aulaǧa erkın kırıp-şyǧuyna kedergı keltırıp otyr. Tötenşe jaǧdai bola qalsa, qaitpekpız? Sondyqtan, myna mäselenı bırjaqty etıp, älgı pysyqailardy jauapkerşılıkke tartu kerek dep esepteimın.
Vasilii Hvan
Ötınış 10 mausymda tüsıp, 4 künde şeşımın tapty.
Qūzırettı mekeme ne deidı?
Almaty audanynyŋ äkımdıgı:
«Miras» PİK-ı atalǧan jerdegı metall qorşaudy būzyp alyp tastady.
Jylyjai salsam dep edım…
Qosalqy şaruaşylyqqa (kökönıs ösıretın jylyjai saluǧa) jer telımı qandai retpen berıledı? Jekemenşıkke aluyma bola ma, älde jalǧa ma?
Tatiana
Ötınış 8 mausymda tüsıp, 5 künde qaraldy.
Qūzırettı mekeme ne deidı?
Jer qatynastary basqarmasy:
QR Jer kodeksınıŋ 109-babyna säikes, qala, kent, auyldyq eldı mekenderdıŋ jerlerı bas josparǧa, ornalastyru jäne qūrylys salu jobasyna sai paidalanylady.
Ükımettıŋ 2001 jylǧy 15 tamyzdaǧy №1064 qaulysymen bekıtılgen Astananyŋ Bas jospary boiynşa qala aumaǧynda qosalqy şaruaşylyq jürgızuge jer beru qarastyrylmaǧan.
Assenizatorlar Ainaköldı büldırdı
Tölebaev pen Balqantau qiylysynda tūratyn assenizator kölıkter jekemenşık üilerden soryp alynǧan las sudy kün saiyn tasjoldyŋ boiyndaǧy qūdyqtarǧa aǧyzady. Mysaly, Ainaköl-Qordai, Ainaköl-Saryköl qiylysyndaǧy qūdyqtar… Sondai-aq, Qoşqarbaev köşesındegı «Nūrorda» qazaq-türık liseiı tūsyndaǧy qara jolǧa da juyndy-şaiyndy, las sudy jıbere salady. Älgı jerlerden jaiau-jalpylap ötpek tügıl, kölıkpen ötu mümkın emes. Sasyq iıs tanau tıledı.
Töleuhan Seiıtqazina
Ötınış 29 mamyrda tüsıp, 16 künde qaraldy.
Qūzırettı mekeme ne deidı?
Memlekettık sanitarlyq-epidemologiialyq departamentı:
Atalǧan faktıler boiynşa «Astana su arnasy» käsıpornyna şara qoldanudy talap etken hat joldandy.
Ädılbek JAPAQ