Elbasynyŋ «Bolaşaqqa baǧdar: ruhani jaŋǧyru» maqalasy aiasynda qalalyq Işkı saiasat basqarmasynyŋ qoldauymen «Astana tarih tolqynynda» atty döŋgelek üstel mäjılısı öttı. Jiynǧa ǧalymdar, joǧary oqu oryndarynyŋ oqytuşylary men studentterı qatysty.
Bügınde Astana – älem tanyǧan jas qala. Jyl sanap emes, kün sanap körkeiıp kele jatqan şahardyŋ keleşegı jarqyn. El ekonomikasyna jaŋa serpın äkelgen qalanyŋ abyroiy da biık. Respublikanyŋ är tarabynan arman quyp kelgen qanşama jas öz taǧdyryn elordamen bailanystyrdy. Bas ordanyŋ damuyna öz ülesın qosuda. Döŋgelek üstelde bügıngı Astana men keşegı Aqmolanyŋ tarihy söz boldy. QR BǦM Memleket tarihy institutynyŋ qyzmetkerı, pedagogika ǧylymdarynyŋ kandidaty Jabai Qaliev «Astana – Qazaq elınıŋ lokomotivı» degen baǧytta söz söilese, osy instituttyŋ taǧy bır ǧylymi qyzmetkerı Qūndyzai Erımbetova «Astana tūrǧyndary jäne bäsekege qabılettılık» taqyrybynda oi qozǧady.
– Astana jaŋarǧan elımızdıŋ kelbetın körsetedı. Az uaqytta älemdık maŋyzdy jiyndar ötetın qalada qarapaiym jūmysşydan bastap, joǧary bılımdı mamandarǧa deiın bäsekege qabılettılık orta qalyptasyp keledı. Bügınde elorda million tūrǧyny bar megapoliske ainaldy. Ärine, mäsele sanda emes, sapalyq körsetkışte. Būl jaǧynan da jaqsy nätijelerdı baiqaimyz, – dedı tarih ǧylymdarynyŋ kandidaty.
Al belsendı azamat Jūmamūrat Şämşı öz sözınde bügınde bas şahardy tanymaityn el joq ekendıgın aityp, jinalǧandarǧa elordanyŋ basqalardan maŋyzdylyǧyn erekşeledı. «Astana – Şanhai yntymaqtastyq ūiymynyŋ, älemdık dınderdıŋ köşbasşylary jinalatyn ordaǧa ainaldy. Mäselen, keşegı künı Siriiadaǧy jaǧdai da bas qalada jetınşı märte talqylandy. Älemdı bırlıkke, yntymaqqa şaqyrudaǧy, qazaqtyŋ «törteu tügel bolsa – töbedegı keler» degen qaǧidasyna baǧyttalǧan köpvektorly saiasaty elordada jüzege asuda» dedı ol. S.Seifullin atyndaǧy Qazaq agrotehnikalyq universitetınıŋ dosentı Bauyrjan Eŋsepov elımızdegı astanalar tarihyna qysqaşa şolu jasady.
Qysqasy, jiynǧa qatysqan ärbır azamat elordanyŋ tarihy men bügıngı güldei jaiqalǧan beinesı jaiynda köterıŋkı leppen söilep, oilaryn ortaǧa salyp, pıkır alysty.
A. QŪSAIYN
