Jaŋalyqtar
Astanada Jūmyspen qamtu ortalyǧy 3,5 myŋnan astam adamdy jūmysqa ornalastyrdy
Astanada jyl basynan berı jetınşı bos oryndar järmeŋkesı öttı. M. Ötemısov atyndaǧy Oquşylar saraiyna jūmys ızdegen 800 juyq adam keldı. Olardyŋ basym bölıgı qalalyq oqu oryndarynyŋ tülekterı.
Jūmyspen qamtu ortalyǧy ūiymdastyrǧan şaraǧa 50 jūmys beruşı qatysyp, 500 tarta bos jūmys orny ūsynyldy.
Jūmyspen qamtu ortalyǧy direktorynyŋ orynbasary Abai Baimuldinnıŋ aituynşa, bügıngı järmeŋkege qyzmet körsetu, bılım mekemelerı, avtoparkter, ışkı ıster organdary qatysuda.
Aita keteiık, būǧan deiın ötken alty järmeŋkede 222 adam jūmyspen qamtyldy. Jalpy, jyl basynan berı 3 710 adam jūmys tapty, sonyŋ ışınde 1079-y qoǧamdyq jūmystarǧa kırıstı, 540 adam käsıbi daiarlau, qaita daiarlau jäne bılıktılıktı arttyru kurstaryna jıberıldı.
Būdan basqa, 284 adam jastar praktikasyna, 101 adam äleumettık jūmys oryndaryna joldama aldy. Jyl basynan berı 6990 adam jūmys ızdep, ötınış jazǧan.
astana.gov.kz