Juyrda elordada jyl saiyn ötetın «Qazaqstannyŋ üzdık tauary» baiqau-körmesınıŋ öŋırlık ırıkteuı öttı. Öŋırlık tur barysynda sarapşylar komissiiasy bas qalada öndırıletın üzdık tauarlardy üş atalym boiynşa anyqtady. Olar – «Öndırıstık maqsattaǧy üzdık tauarlar», «Halyq tūtynatyn üzdık tauarlar», «Üzdık azyq-tülık tauarlary» dep atalady.
Saltanatty räsımge qatysqan Astana äkımınıŋ orynbasary Baqtiiar Mäken jyl saiyn ötetın baiqaudyŋ otandyq tauarlar öndırısın, şaǧyn jäne orta biznestı damytudaǧy maŋyzdylyǧyn atap öttı. «Bız jyl saiyn özınıŋ taban aqy, maŋdai terımen biznesın damytyp jürgen adamdardy körıp, köŋılımız marqaiady. Būl – asa maŋyzdy ıs, sebebı elordamyz qarqyndy damyp keledı, onyŋ keleşegı de zor. Qala basşylyǧy bızdıŋ tauar öndıruşılerımızdıŋ deŋgeiın ösıruge erekşe köŋıl böledı. Baiqauǧa qatysuşylardyŋ barlyǧyn, ūiymdastyruşylardy, qala tūrǧyndaryn äkımdıktıŋ atynan qūttyqtaimyn! Barlyq jeŋımpazdardy jeŋısımen qūttyqtaimyn! Bärıŋızge tabys tıleimın!» dedı Baqtiiar Mäken.
Nūr-Sūltan qalalyq käsıpkerler palatasynyŋ direktory Almat Jünısov biyl baiqau-körmege qatysuşy kompaniialardyŋ sany rekordtyq deŋgeige jetkenın mälım ettı. «Būl joly körmelık baiqauǧa elordanyŋ 100-den asa kompaniialary qatysty, sonyŋ ışınde 70 paiyzy – jaŋadan qatysuşylar. Üzdık degen ataqqa telekommunikasiialyq jabdyq, avtokölık jäne vagondar, qūrǧaq qūrylys qospalary, sporttyq tamaqtar, sondai-aq tıs pastasy, balalar kiımı men oiynşyqtar, jartylai fabrikattar jäne konditerlık būiymdar şyǧaratyn öndıruşıler talasty. Öŋırlık baiqau-körmenı elorda äkımdıgınıŋ qoldauymen Nūr-Sūltan qalalyq käsıpkerler palatasy ūiymdastyrdy» dedı palata direktory.
Bäseke nätijesınde «ZGM Penetron-Qazaqstan» JŞS, «Selingidromaş» JŞS, «VELS kompaniiasy» JŞS, «DANMARD» JŞS, «Qazaq oiulary» JŞS, «Digital System Servis» JŞS, «Kazak House» JK, «Golfen Rill Group» JŞS, «Alau TM» JŞS jeŋımpaz atandy.
