Keŋes ökımetı ydyraǧannan keiın, bıraz jūmystar toqyrap, atqarylǧan köp ıstıŋ qūrdymǧa ketkenı belgılı. Soǧys jäne eŋbek ardagerlerı men zeinetkerlerdıŋ jaiy ūmytylǧan kez bolatyn. Jer-jerde qart adamdar öz oilaryn aityp, ardagerlerdıŋ bastauyş ūiymdaryn qūrudy qolǧa aldy. Söitıp, osy bastauyş ūiymdardy bekıtetın audanaralyq ardagerler keŋesı qajet boldy. Osy keŋes janyna belsendı zeinetkerler jinala bastady. Sonyŋ bırı – ataqty sauynşy, Qazaq SSR Joǧarǧy Keŋesınıŋ deputaty bolǧan, Sosialistık Eŋbek Erı Saǧila Esenjolova.
Saǧila Äbdırahmanqyzy on üş jasynan eŋbekke aralasyp, anasynyŋ janynda jürıp sauynşy bolyp ısteidı. Alǧaşynda qaramaǧyna 15 siyr alyp, ol jūmysty öte jauapkerşılıkpen atqarady.
1977 jyly syrttai zooveterinarlyq tehnikumyn bıtırıp, süt fermasynda brigadir bolady. Eŋbegı eş ketpei, Otanymyzdyŋ eŋ joǧary nagradalaryn ielenedı. Ekı ret «Lenin», «Eŋbek Qyzyl Tu» ordenderımen marapattalyp, Sosialistık Eŋbek Erı atanady. «Eŋbektegı erlıgı üşın», «Eŋbek ardagerı» medalın keudesıne taqqan onyŋ Qazaq SSR auyl şaruaşylyǧynyŋ eŋbek sıŋgen qyzmetkerı degen ataǧy da bar.
Qūrmettı demalysqa şyqqan soŋ ol üide bos qarap otyra almady. Özı tuyp-ösken Aqmola oblysy Selinograd audanynyŋ būrynǧy Kirov, qazırgı Köktal kentındegı qoǧamdyq jūmystarǧa aralasyp, tūrmysy tömenderge, özı qūrǧan bastauyş ardagerlerdıŋ ūiymyna qoldan kelgen kömegın aiamady.
Saǧila Esenjolova bügınde respublikalyq ardagerler keŋesı prezidiumynyŋ, Astana qalalyq ardagerler keŋesınıŋ, Saryarqa audandyq ardagerler keŋesı plenumynyŋ müşesı. Ol uaqytynyŋ azdyǧyna qaramastan, mıne, tura 10 jyl boldy Köktal-1 kentınde ardagerlerdıŋ bastauyş ūiymyn basqaryp keledı. Onyŋ jūmysyna ardagerler ūiymynyŋ belsendı müşelerı Rysty Ospanova men Liudmila Nazarenkolar da kömektesude.
Saǧila Äbdırahmanqyzy qoǧamdyq jūmystarmen bırge nemerelerı men şöberelerınıŋ tärbiesımen ainalysyp, üi şaruasyndaǧy tırlıkten de qol üzgen emes.
Bettı daiyndaǧan: Ǧaliia BALTABAI,
zeinetker-jurnalist
