Eŋbekaqy töleu jüiesı jaŋarady
Astanada memlekettık qyzmetkerler üşın jaŋa eŋbekaqy töleu jüiesın engızu, sondai-aq onyŋ oryndalu barysy talqylandy.
Eŋbekaqy töleu jüiesı soŋǧy ret 14 jyldan asa uaqyt būryn engızılgen. Iаǧni bügınge deiın ailyq tölem qyzmetkerlerdıŋ jūmys ötılı boiynşa tölenıp kelgen. Jiyn barysynda Memlekettık qyzmet ısterı jäne sybailas jemqorlyqqa qarsy ıs-qimyl agenttıgı töraǧasynyŋ orynbasary Aigül Şaiymovanyŋ aituynşa, ministrlık qyzmetkerlerı men jergılıktı atqaruşy bilık organdarynyŋ jūmysşylary arasyndaǧy jalaqy aiyrmaşylyǧy 75 paiyzdy qūraidy. Al jaŋa jüie qazırgı uaqytqa deiın baiqalǧan problemalardyŋ aldyn almaq.
– Jyl basynan berı kürdelı jūmystar jürgızıldı. Qazırgı uaqytta bırneşe memlekettık organda qanatqaqty joba jürgızılıp jatyr. Atap aitqanda, Ädılet ministrlıgı, Maŋǧystau oblysynyŋ äkımdıgı, sondai-aq Astana qalasynyŋ äkımdıgı. Osy boiynşa naqty nätijelerge qol jetkızdık. Bızde memlekettık qyzmetten şyǧu körsetkışı ekı esege azaidy. Būǧan qosa, jaŋa kadrlar sany köbeidı, – dedı Aigül Şaiymova.
Talqylau barysynda tört organdaǧy tiımdılıkter turaly aityldy. Būl rette ekonomikalyq jaǧynan tiımdı tūstaryn Astana qalasy men Maŋǧystau oblysynyŋ äkımdıkterı körsetken.