Erejege özgerıs endı
Keşeden bastap elımızde kölık qūraldaryn tırkeu erejesı özgerdı. 2014 jylǧy 2 jeltoqsandaǧy IIM būiryǧymen bekıtılgen №862 memlekettık tırkeu jönındegı erejege özgerıster men tolyqtyrular engızıldı. Ol 2017 jylǧy 27 jeltoqsannan bastap küşıne endı.
Osyǧan bailanysty Qazaqstan aumaǧynda kölıgıŋızdı alǧaş ret resmi dilerden (ökılden) satyp alǧan jaǧdaida aparyp tırketu mındettı emes. Sondai-aq, avtokölık iesınıŋ tegı, aty-jönı özgergen jaǧdaida (mäselen, nekege tūryp nemese neke būzylyp, ne bolmasa ūlttyq erekşelıkke bailanysty tegıŋızdı äkeŋızdıŋ atyna özgertseŋız), kölık qūraldaryna tırkeu turaly kuälıktıŋ köşırmesı berılgen jäne kölık qūraldaryn qaita jabdyqtap, bölşekterın auystyrǧan kezde de kölıgıŋızdı teksertpei-aq tırkete beruge bolady.
Sonymen qatar, kölık iesı sūranysy joǧary memlekettık tırkeu nömırlerın (mäselen, 001, 002, 003, 004, 005, 006, 007, 008, 009, 100, 111, 200, 222, 300, 333, 400, 444, 500, 555, 600, 666, 700, 777, 800, 888, 900, 999) alǧan kezınde de üş bırdei ärıptı özınıŋ qalauy boiynşa taŋdai alady. Bıraq oǧan 2018 jyldyŋ 1 qaŋtarynan bastap köterıŋkı memlekettık baj salyǧy salynady.
Taŋatar Töleuǧaliev