Astana qalasynyŋ mäslihatynda tūraqty komissiia töraǧasy Ǧaidar Qasenovtıŋ töraǧalyǧymen «Qala aumaǧynda qoǧamdyq tärtıptı saqtau jäne qauıpsızdıktı qamtamasyz etu jönındegı Almaty, Saryarqa, Esıl audandary uchaskelık inspektorlarynyŋ jūmysy turaly» köpşılık tyŋdauy öttı.
Köpşılık tyŋdauǧa Almaty, Saryarqa, Esıl audandary äkımderınıŋ orynbasarlary, qalalyq basqarmalardyŋ basşylary, Astana qalasy IID-nıŋ Jergılıktı polisiia qyzmetı men basqa da qoǧamdyq ūiymdardyŋ ökılderı qatysty.
Deputattar aldynda Almaty audany IIB Jergılıktı polisiia qyzmetınıŋ bastyǧy, polisiia podpolkovnigı Almas Japparov, Esıl audany IIB Jergılıktı polisiia qyzmetınıŋ bastyǧy, polisiia polkovnigı Serık Äbutälıpov, Saryarqa audany IIB Jergılıktı polisiia qyzmetınıŋ bastyǧy, polisiia maiory Azamat Sadyqov baiandama jasady.
BEINEBAQYLAU KAMERALARY KÖBEIDI
Almaty audany IIB Jergılıktı polisiia qyzmetı 10 qyrküiek pen 1 jeltoqsan aralyǧynda qoǧamdyq tärtıp pen qauıpsızdıktı saqtau maqsatynda «Uchaske» jedel
aldyn alu ıs-şarasyn ūiymdastyruda.
Atalǧan ıs-şara kezınde uchaskelık inspektorlar 110 myŋ päter men 7 myŋ jekemenşık üidı aralap, 383 myŋ qala tūrǧynymen kezdesken.
Sonyŋ nätijesınde 1499 jalǧa berılgen päter anyqtalyp, 516 zaŋdy tūlǧa jeke käsıpker retınde tırkelıp, 219 adam deklarasiia türınde kırısın körsetken. Odan memleketke 28 mln 105 myŋ teŋge qarjy tüsıp otyr.
Jürgızılgen reidter kezınde 27080 äkımşılık qūqyq būzuşylyq tırkelıp, olarǧa 131 mln 077862 teŋge aiyppūl salynsa, sonyŋ memleket esebıne 32 mln teŋgesı
öndırılıp alynǧan.
Audanda köp qabatty üilerdıŋ aulalary men kıreberısterınde 3123 beinebaqylau
kamerasy ornatylǧan. Aldaǧy uaqytta būl jūmystardy odan ärı örıstete tüsu közdelıp otyr.
Qazır uchaskelık inspektorlar maskünemder, naşaqorlar jäne būryn sottalǧandarmen josparlanǧan jüielı jūmystardy jandandyra tüsken.
QŪQYQ BŪZUŞYLYQ QYSQARDY
Al Esıl audany IIB Jergılıktı polisiia qyzmetınıŋ bastyǧy Serık Äbutälıpovtıŋ baiandamasynda ötken on aidyŋ qorytyndysynda qoǧamdyq tärtıptı qamtamasyz etude 402 türlı ıs-şara ötkızılgenı tılge tiek etıldı.
Osy kezeŋde audanda 3812 qylmys tırkelgen. Būl ötken jyldyŋ osy kezeŋındegı körsetkışpen salystyrǧanda
31,1 paiyzǧa az. 2016 jyly būl körsetkış 5613 bolǧan.
Sondai-aq, audanda qoǧamdyq oryndarda jasalatyn zaŋ būzuşylyqty 2058-den 1661-ge, 19,3 paiyzǧa, köşelerdegı qūqyq būzuşylyqty 826-dan 583-ke deiın, 29,4 paiyzǧa kemıtuge qol jetkızılgen. Būǧan qosa, pärmendı jürgızılgen aldyn alu jūmystarynyŋ nätijesınde būzaqylyq 34,6 paiyzǧa azaiyp otyr.
Eseptı kezeŋde uchaskelık inspektorlar 5404 äkımşılık qūqyq būzuşylyqty anyqtap, qoǧamdyq oryndarda spirttık ışımdıkter ışken – 968, belgılenbegen jerde temekı tartqan – 538, sauda jasaǧan 356 adamdy äkımşılık jauapkerşılıkke tartyp, 74201022 teŋge aiyppūl salsa, memleket esebıne onyŋ 25062200 teŋgesı öndırıldı.
«Hostelderdıŋ köptep aşyluyna orai kelıp tüsken aryz-şaǧymdarǧa bailanysty tūrǧyndarmen 3 ret jiyn ötkızıldı. Nätijesınde «Tūlpar» tūrǧyn üi keşenınde ornalasqan hostel jūmysyn toqtatty. Būl jūmystar jüielı türde odan ärı jalǧasuda» dedı Serık Äbutälıpov.
ÜGIT-NASİHAT ÜNEMI JÜRGIZILEDI
Statistikalyq mälımetterge säikes Saryarqa audanynyŋ 383231 tūrǧyny bar. Olarǧa 12 uchaskelık polisiia punktı qyzmet körsetedı. Jyl basynan berı uchaskelık inspektorlar «Vokzal», «Qūqyq tärtıbı», «Izdeu», «Qaru», «Qaŋǧybas», «Uchaske», taǧy da basqa 27 şūǧyl aldyn alu ıs-şarasyn ötkızıptı.
Sonyŋ nätijesınde 29601 äkımşılık qūqyq būzuşylyq anyqtalyp, 156 mln 160067 teŋge aiyppūl salynǧan.
Memleket esebıne sonyŋ
26 mln 729523 teŋgesı öndırılıp alynǧan.
Jeke mülıktı ūrlaudy boldyrmau maqsatynda uchaskelık polisiia inspektorlary memlekettık organdardyŋ, türlı menşıktegı mekemelerdıŋ basşylarymen bırlese otyryp, beinebaqylau kameralaryn, belgı beru qondyrǧylaryn, sondai-aq, ört-küzet dabyldaryn ornatu qajettıgıne tūrǧyndardyŋ közın jetkızu üşın ünemı ügıt-tüsınık, nasihat jūmystaryn jürgızıp keledı. 2017 jyldyŋ on aiynda osyndai 525 kezdesu ötıp, 37 aula men köp qabatty üilerdıŋ kıreberısterıne 273 beinebaqylau kamerasy ornatyldy.
Tūraqty komissiia otyrysy barysynda jyl basynan berı ıstelgen osyndai jūmystarǧa keŋınen toqtalǧan baiandamaşylarǧa mäslihat deputattary Särsenbek Jünısov, Ramziia Umerbaeva, Qaraqat Äbden, Uälihan Dosaev, Qaiyrly Tauken, taǧy basqalar qalanyŋ qoǧamdyq qauıpsızdıgı men qūqyq tärtıbıne qatysty sūraqtar qoiyp, oi-pıkırlerımen bölıstı.
Deputattardyŋ keibır saualdaryna bailanysty bergen ärıptesterınıŋ jauabyn Astana qalasy IID Jergılıktı polisiia qyzmetınıŋ bastyǧy Baqytjan Malybaev tolyqtyrdy.
Tūraqty komissiianyŋ otyrysyna Astana qalasy mäslihatynyŋ hatşysy Janat Nūrpeiısov qatysty.
Otyrysty qorytyndylai otyryp komissiia müşelerı tiıstı qauly qabyldady.
Taŋatar Töleuǧaliev
