Elordada «Taza Qazaqstan: Astana – tazalyq pen tärtıptıŋ ülgısı» ekologiia ailyǧy qarqyndy jürıp jatyr. Osy aptada astanalyqtar «Kielı meken» aksiiasy aiasynda eskertkışter men tarihi ǧimarattardyŋ aumaǧyn tazartu jäne abattandyru jūmysymen ainalysuda. «Kielı meken» tazalyq aksiiasy bastalǧaly elordada 50-ge juyq eskertkış aumaǧy tazartyldy. Al aldaǧy aptada «Jasyl aimaq» aksiiasy ūiymdastyrylyp, aǧaş otyrǧyzu men köşetterdı äkteu jūmysy jürgızıledı. Ekologiia ailyǧy 11 mamyrǧa deiın jalǧasady.
Eskertkışter tazartyldy
Ekologiia aptalyǧyna qatysuşylar Ybyrai Altynsarin müsınınıŋ jäne Abai eskertkışınıŋ ainalasyn tazalady. Is-şaraǧa mäslihat deputattary, mädeniet salasynyŋ qyzmetkerlerı, erıktıler men qala tūrǧyndary qatysty.
«Memleket basşysynyŋ tapsyrmasymen respublika boiynşa «Taza Qazaqstan: Astana – tazalyq pen tärtıptıŋ ülgısı» auqymdy ekologiia aksiiasy bastaldy. Qoǧamdyq oryndardy, tarihi oryndardy, köşeler men aulalardy tazartu maqsatynda Ybyrai Altynsarinnıŋ müsının tazalauǧa jinaldyq. Elordada barlyǧy 117 eskertkış bolsa, onyŋ 46-sy – memleket qorǧauynda. Aksiia aiaqtalǧanǧa deiın qaladaǧy barlyq eskertkıştı tazartu josparlanyp otyr» dedı Bırıkken mūrajailar direksiiasy direktorynyŋ orynbasary Samat Tergembaev.
Tazalyq aksiiasyna qatysuşy Erkebūlan Aǧymbaevtyŋ aituynşa, tazalyqta tärbielık män bar.
«Köktemnıŋ keluımen qalada auqymdy ekoaksiia bastaldy. Öz kezegımızde qalany qoqystan tazartyp jatyrmyz. Aita keterlıgı, aksiianyŋ öskeleŋ ūrpaq üşın tärbielık mänı zor. Är nysanǧa ūqyppen qarap, tazalyq tanytuǧa şaqyramyz» deidı «Naz» memlekettık bi teatrynyŋ direktory Erkebūlan Aǧymbaev.
Abai eskertkışın kır men qoqystan tazartu barysynda qoǧam belsendılerı, E.Rahmadiev atyndaǧy memlekettık akademiialyq filarmoniia qyzmetkerlerı men Abai mektebınıŋ oquşylary tazalyq jūmystaryn jürgızıp qana qoimai, qazaq bas aqynynyŋ öleŋderı men qara sözderın oqydy, änderın oryndady.
TAZALYQ ŞEBINDE –STUDENTTER
Keşe elordada «Kielı meken» tazalyq aksiiasy aiasynda Säken Seifullin eskertkışı aumaǧyn tazalau jūmystary jürgızıldı. Oǧan Seifullin muzeiı qyzmetkerlerımen qatar, öner men ädebiet ökılderı, sondai-aq S.Seifullin atyndaǧy Qazaq agrotehnikalyq universitetınıŋ oqytuşylary men studentterı belsendı qatysty. Aksiiaǧa qatysuşylar tek qana eskertkış aumaǧyn tazalap qana qoimai, köşe boiynda da jūmys ıstedı.
– Qalada ötıp tūratyn tazalyq senbılıkterıne universitet studentterı tūraqty qatysady. Al biylǧy jalpyqalalyq ekologiia ailyǧy erekşe sipatta ötıp jatqany belgılı. Är aptanyŋ özındık atauy bar, iaǧni tazalyq jūmystary belgılı baǧyt boiynşa atqarylady. Osy aptada ötıp jatqan «Kielı meken» aksiiasynda qalamyzdaǧy tarihi ǧimarattar men eskertkışterdı tazalauǧa jäne abattandyruǧa arnalyp jatyr. Sondyqtan bız Säken Seifullin eskertkışıne arnaiy kelıp, tazalyq jūmysyn jürgızıp jatyrmyz. Studentterımız mūndai ıs-şaralarǧa belsendılıkpen qatysady. Mūndai jūmystardyŋ bır jaǧynan tärbielık maŋyzy bar dep oilaimyn. Elordamyzdyŋ taza boluy onyŋ ärbır tūrǧynyna bailanysty bolatyny sözsız. Sondyqtan barşa astanalyqtardy ekologiia aksiiasyna belsendılıkpen qatysuǧa şyqyramyn, – deidı S.Seifullin atyndaǧy Qazaq agrotehikalyq universitetı kompiuterlık jüieler jäne käsıptık bılım beru fakultetı dekanynyŋ orynbasary Äsem Mūsataeva.
Jalpy keşe S.Seifullin atyndaǧy Qazaq argotehnikalyq universitetınıŋ 5 myŋnan asa studentı ekologiia ailyǧyn qoldau boiynşa ekochellendj ūiymdastyryp, estafetany L.Gumilev atyndaǧy Euraziia ūlttyq universitetı studentterıne joldady. Ūiymdastyruşylardyŋ mälımetınşe, ekochelledj elordadaǧy 15 joǧary oqu orny studentterın qamtymaq.
BATYR ESKERTKIŞI AINALASYN TAZALADY
Elordanyŋ mädeniet ūiymdary qyzmetkerlerı men «Jas sarbaz» patriottyq qozǧalysynyŋ tärbielenuşılerı Saryarqa daŋǧylynda ornalasqan Keŋes Odaǧynyŋ Batyry, aty aŋyzǧa ainalǧan ūşqyş Talǧat Bigeldinovtıŋ eskertkışıne jäne ainalasyna tazalyq jūmystaryn jürgızdı.
«Jas sarbaz» balalar men jasöspırımder äskeri-patriottyq qozǧalysy Astana qalasy boiynşa filialynyŋ töraǧasy Ashat Nalşybektıŋ aituynşa, ekoaksiia – öskeleŋ ūrpaqtyŋ boiyna jaqyndaryna degen qamqorlyq, qūrmet sezımın qalyptastyrudyŋ ülgısı. Barlyǧy 50-den astam jas sarbaz belsendılıkpen jūmys ıstedı.
«Bız būl aksiiany qalamyzdyŋ barşa tūrǧyndaryna ündeu retınde ötkızıp jatyrmyz. Bız jastardy, erıktılerdı jäne barlyq müddelı adamdardy Astanamyzdyŋ aulalary men köşelerın qoqystan tazartuǧa jäne ekologiia jaǧdaiyn jaqsartuǧa şaqyramyz. Jūmys älı de jalǧasady, är apta belgılı bır taqyrypqa arnalady» deidı Ashat Nalşybek.
SENBILIKTIŊ TÄRBİELIK MÄNI ZOR
Oquşylar saraiy aldyndaǧy äl-Farabi eskertkışı aumaǧynda tazalyq aksiiasy öttı. Is-şaraǧa oquşylar men «Jastar» saraiy, muzei qyzmetkerlerı qatysty.
«Taza Qazaqstan: Astana – tazalyq pen tärtıptıŋ ülgısı» auqymdy ekologiia aksiiasy jalǧasuda. Būl apta senbılıkke qatysuşylar üşın «Kielı meken» ūranymen ötıp jatyr. Senbılıkke şyqqan qala tūrǧyndary tarih jäne mädeniet eskertkışterınıŋ ainalasyn qoqystan tazartyp, olardy kütıp-baptauǧa jäne qorǧauǧa qatysty nasihat jūmysyn qatar jürgızude.
Samat Tergembaev, Astana qalasy Bırlesken mūrajailar direksiiasy basşysynyŋ orynbasary tazalyq aksiiasy jaiynda oiymen bölıstı.
«Nauqan kezınde qala boiynşa esepte tūrǧan tarih jäne mädeniet eskertkışterın tügelge juyq qamtyp, ainalasyn abattandyryp, jöndeuge kırısıp kettık. Tek tazalau jūmystaryn ǧana emes, ärbır qasiettı mekennıŋ maǧynasyn, ne üşın ornatylǧany, soǧan bailanysty qalalyq mūrajailardan ekskursovod-gid kelıp, jinalǧan qauymǧa tüsındıru-tälım jūmystaryn jürgızedı. Jasyratyny joq, jasöspırımder tarapynan vandalizm oqiǧalary kezdesıp jatady. Eskertkışterdı büldıru, onyŋ tūǧyryna şyǧyp, skeitbord, velosipedpen syrǧanap, oiyn alaŋyna ainaldyryp jatady. Onyŋ dūrys emestıgın aityp, eskertkışterge keltıretın ziiannyŋ auqymyn tüsındıremız. Äl-Farabi atyndaǧy Oquşylar saraiynyŋ aldynda ornalasqan ǧūlama eskertkışınıŋ ainalasyna 100-ge tarta erıktı kelıp, eŋbektıŋ jaŋa mädenietınıŋ ülgısın körsettı. Jalpy būl senbılıktıŋ jastar üşın tärbielık mänı zor» dep atap öttı S.Tergembaev.
Ǧalym Qojabekov,
Aigül Uais,
Nūrlat BAIGENJE
