«Jastar ruhy» jastar qanatynyŋ erıktılerı tabiǧi apatpen küres şaralaryna qol ūşyn sozudy jalǧastyruda. Elordalyq ruhtastar Arşaly audany Jıbek joly auylyndaǧy tasqyn sudyŋ aldyn alyp, bögetter qūru jūmysyna jūmyldyryldy. Olar üş kün boiy qarǧyn sumen kürestı.
Batysqazaqstandyq erıktıler de zardap şekken tūrǧyndardy ornalastyruǧa evakuasiia punktterınde oryndar daiyndap, suǧa ketu qaupı bar aumaqta aldyn alu jūmysyn jürgızıp jatyr. Qūm qapşyqtaryn ornalastyryp, bar kömegın aiamauda. Sondai-aq «Asarume» qorynyŋ qoldauymen tūrǧyndarǧa qajettı zattarmen qatar, arnaiy tehnika, motopompa, motorlar da kelıp jettı. Volonterler gumanitarlyq kömektı tüsıru, sūryptau, ülestıru jūmystaryna atsalysuda. Aqmola oblysynda jastar qanatynyŋ 500-ge juyq volonterı tabiǧi apatpen küres ıs-şaralaryna öz ülesın qosuda. Olar jinalǧan gumanitarlyq kömektı zardap şekken tūrǧyndarǧa ülestırude.
