ESKI ÜILER YSYRYLADY
Biyl Astanada apatty üilerde tūratyn 400-den asa otbasy jaŋa qonysqa köşırıledı
Astana qalalyq mäslihatynda ötken tūraqty komissiianyŋ jinalysynda «Jyl aiaǧyna deiın 31 apatty üidı ysyryp tastau josparlanyp otyr. Onda ūzyn-yrǧasy 463 otbasy tūrady. Olarǧa Syǧanaq köşesındegı üilerden jaŋa baspana berıledı» degen mälımet aityldy.
Jalpy, qalada 2017 jylǧa deiın tozyǧy jetıp, qūlaǧaly tūrǧan 228 üidı ysyryp tastau josparlanǧan edı. Tūrǧyn üi basqarmasynan habarlaǧanyndai, audandyq äkımdıkter tūrǧyn üi qoryna taldau jasap, 1940-1970 jyldar aralyǧynda salynǧan, qūrylys konstruksiialary men injenerlık jelılerı äbden eskırgen 228 üidı anyqtaǧan edı.
Qazırgı kezde mamandandyrylǧan mekemeler atalmyş üilerge tehnikalyq tekseru jürgızıp jatyr. Tehnikalyq qorytyndy nätijesınde nysandaǧy jaǧdai saralanyp, ǧimaratty ysyryp tastau jönınde tiıstı şeşım qabyldanady. Al, apatty jaǧdaidaǧy üi ielerı qoldanystaǧy zaŋǧa säikes jaŋadan salynǧan tūrǧyn üi keşenderıne köşırıledı. Alaida, berıletın päterlerdıŋ aumaǧy būzylatyn üidıŋ aumaǧymen teŋ bolady. Iаǧni, «şarşy metrge – şarşy metr».
Esterıŋızge sala keteiık, Astanada apatty jaǧdaidaǧy üilerdı ysyru jönındegı qanatqaqty joba «Qoljetımdı tūrǧyn üi – 2020» baǧdarlamasynyŋ bır tarmaǧy retınde engızılgen bolatyn. Ötken jyly däl osy baǧdarlama aiasynda 11 eskı üi būzylyp, 178 otbasy syŋǧyraǧan jaŋa päterde qonys toiyn toilaǧan.
Eskı oramdardy jaŋǧyrtu mehanizmı memleketten tūrǧyn üi qūrylysyna bölıngen qarjyny qaitaruǧa, qūrylys industriiasyn damytuǧa mümkındık beredı.