«Toidyŋ bolǧanynan boladysy qyzyq» deuşı edı qazaq. Solai boldy da. Gena boksşymyz kezektı qarsylasyn quyp jürıp sabady.
Kezdesu aldynda älemdegı bırneşe sport sarapşylary qazaq boksşysynyŋ bügınge deiıngı jetıstıkterın kezdeisoqtyqqa balap, avstraliialyq Daniel Gildıŋ jeŋısıne senım bıldırgen bolatyn. Bıraq Golovkin barlyǧynyŋ auzyna qūm qūiyp, küllı älemnıŋ köz aldynda qarsylasyn üşınşı raundta nokautqa jıberdı. Käsıpqoi boksta jürıp qarsylasyn äuesqoi bokstyŋ uaqytynda sūlatyp tüsıru ärkımnıŋ qolynan kele bermesı anyq.
Bırınşı bölım barysynda auyr soqqydan nokdaun alǧan Gil qabaǧyn jaryp alǧan bolatyn. Sodan keiın-aq onyŋ jaǧdaiy belgılı boldy, Gena şabuyldy üstı-üstıne üdete tüsu arqyly aqyry degenıne jettı. Otyz ekı jasar qazaqstandyq sportşy osymen käsıpqoi bokstaǧy 30-ynşy jeŋısıne jetıp otyr. Onyŋ 27-sın uaqytynan būryn aiaqtaǧan.
Daiyndaǧan: Nūrislam QŪSPANǦALİ
