Elımızdıŋ damu lokomotivıne ainalǧan Astanada ıskerlık bailanystardy nyǧaityp, investisiialyq jobalardy jüzege asyruǧa mümkındıkter köp.
Keiıngı jyldary elımız ıskerlık ortany kötermelep, käsıpkerlıktı qoldauǧa, qolaily investisiialyq ahual qalyptastyruǧa airyqşa maŋyz berıp keledı. Biznes-bastamalardy jüzege asyruǧa yŋǧaily jaǧdailar jasalyp, käsıp aşuǧa rūqsat beretın jüieler oŋtailandyryla bastaǧan. Ärı qarqyndy damyp kele jatqan şaharǧa investisiia salǧannyŋ da paidasy şaş etekten.
Jyl saiyn elordada investisiia kölemı ūlǧaiyp keledı. Resmi mälımetterge süiensek, tek ötken jyldyŋ ışınde qalanyŋ önerkäsıp önımınıŋ kölemı 6,7 paiyzǧa ösıp, 263,2 mlrd teŋgege jetken. 2007 jylǧa deiın önerkäsıp öndırısınıŋ ösımın negızınen qūrylys industriiasy käsıporyndary qūrap kelgenı belgılı. Endı innovasiialyq industriialandyru elorda ekonomikasynyŋ basym baǧyttarynyŋ bırıne ainaldy. Būl mındettı jüzege asyruda basty röl atqaratyn – İndustriialyq park aumaǧynda jüzege asyrylyp jatqan jobalar.
2005 jyly qūrylǧan İndustriialyq park 2007 jyldan bastap «Astana – jaŋa qala» arnaiy ekonomikalyq aimaǧy aiasyna engızıldı. Endı el ekonomikasyn alǧa süireitın serpındı jobalar osy önerkäsıp aimaǧynda ıske asyryluda.
Bügıngı taŋda onyŋ aumaǧynda jalpy investisiia mölşerı 180 mlrd teŋge bolatyn 49 joba jüzege asyrylyp, park alaŋynyŋ 90 paiyzyn qamtidy. Onyŋ ışınde 19 joba belsendı jūmys ısteude, taǧy 4 käsıporyndy biyl jyl aiaǧyna deiın ıske qosu josparlanyp otyr. Qalǧan 25 joba qūrylys jürgızu jäne jer telımın resımdeu satysynda tūr.
Tūtastai alǧanda, İndustriialyq parktegı jobalardyŋ barlyǧy 2016 jyldyŋ aiaǧyna deiın öndırıske kırısedı. Sol arqyly elorda naqty körsetkışter men eleulı äleumettık-ekonomikalyq tiımdılıkke qol jetkızetın bolady. Mäselen, 2017 jylǧa qarai İndustriialyq park käsıporyndary şyǧarǧan önımder mölşerı jyl saiyn şamamen 300 mlrd teŋgege jetedı dep kütılıp otyr. Sonyŋ arqasynda 7,5 myŋnan asa jaŋa jūmys orny aşylmaq, memlekettık qazynaǧa qūiylatyn salyq tüsımderınıŋ mölşerı tört ese ösıp, şamamen 70 mlrd teŋgege jetedı. Al, tauarlar men körsetıletın qyzmetterdegı qazaqstandyqtardyŋ ülesı 70 paiyzǧa jetedı dep kütılude.
Osy jyl ışınde ekınşı İndustriialyq parktyŋ tehnikalyq-ekonomikalyq negızdemesı äzırlenıp bıtedı. Onyŋ 433 ga aumaǧynda qyryqqa juyq jaŋa käsıporyn qūrylady. Olardyŋ barlyǧy da innovasiialyq jäne ekonomikalyq tiımdılık ölşemderıne sai jūmys ıstemek.
İndustriialyq baǧyttaǧy mūndai ıster investisiialyq belsendılıktı arttyra tüsedı. Oǧan dälel de joq emes. Tek 2014 jyldyŋ bırınşı toqsanynyŋ qorytyndysy boiynşa, 2013 jyldyŋ osy kezeŋımen salystyrǧanda, investisiia mölşerı 8,2 paiyzǧa ūlǧaiyp, 70,2 mlrd teŋgege jetkenın atap ötu kerek.
Jalpy, osy İndustriialyq parkte investorlardyŋ eşteŋege alaŋdamai jūmys ısteuıne barlyq tehnikalyq jaǧdailar jasalǧan.
Atap aitqanda, būl aumaqta erkin kedendik rejim qalyptasqan. İmporttalatyn tauarlarǧa aksiz saludy qospaǧanda, keden bajy men salyq salynbaidy jäne tariftık retteu şaralary qoldanylmaidy. Qūrylys nysandary salynyp jatqan jer telımderı jer salyǧynan bosatylǧan. Ǧimarat salyq salu nysany bolyp tabylmaidy. Mıne, osyndai jeŋıldıkterımen İndustriialyq aumaq otandyq jäne şeteldık investorlardy özıne tartyp, innovasiialyq damudy maqsat etken serpındı jobalardyŋ ortasyna ainalmaq.
Qymbat TOQTAMŪRAT
