Astana qalalyq mäslihattyŋ VI şaqyrylymdaǧy deputattary jūma künı jūmysqa kırısıp, alǧaşqy sessiiasyn ötkızdı. Būl jiynǧa Astana qalasynyŋ äkımı Ädılbek Jaqsybekov qatysyp, jaŋa qūramǧa sättılık tıledı.
– Qalalyq mäslihattyŋ jaŋa deputattaryn şyn jürekten qūttyqtaimyn! Sızderge halyq ümıt artyp, sailap otyr. Eldıŋ senımı ülken jauapkerşılık jükteidı. Sondyqtan memlekettıŋ igılıgı men tūrǧyndardyŋ ömır süru sapasyn arttyru jolynda ekpındı eŋbek etetınderıŋızge senemın. Elbasy elordanyŋ damuyna erekşe köŋıl bölıp, aldymyzǧa auqymdy mındetter qoiyp otyrǧanyn bılesızder. Būl şarualardy abyroimen alyp şyǧu üşın bärımızdıŋ bırlıgımız ben küş-jıgerımız qajet,– dedı qala äkımı.
Būdan keiın Ädılbek Ryskeldıūly V şaqyrylymdaǧy mäslihattyŋ deputattaryna qyzmetın tabysty atqarǧany üşın alǧysyn bıldırdı.
–Besınşı şaqyrylymdaǧy mäslihat deputattary Astananyŋ örkendeuıne aitarlyqtai üles qosty. Byltyrǧy bır jyldyŋ özınde deputattar 65 sessiia ötkızdı. Onda 475 mäsele qaraldy. Tūraqty komissiialardyŋ 165 otyrysynda qalanyŋ damuyna qatysty bırtalai tüitkıldıŋ tüiını şeşıldı. Būl degenıŋız eselı eŋbek. Al būǧan deiıngı mäslihattyŋ hatşysy bolǧan Sansyzbai Esılov özderıŋızge jaqsy tanys. Ol qyryq jyldan astam uaqyt boiy memlekettıŋ igılıgı üşın qyzmet ettı. Qalanyŋ qalyptasuyna özındık qoltaŋbasy bar Sansyzbai Seitjanūly «Qūrmet», «Dostyq» ordenderınıŋ iegerı, – dei kele qala äkımı onyŋ iyǧyna şapan jauyp, qūrmetpen şyǧaryp saldy. Būrynǧy qūramda deputat bolǧandardyŋ bärı äkımnıŋ qolynan alǧys hat aldy.
Al qalalyq mäslihattyŋ VI şaqyrylymynyŋ alǧaşqy sessiiasynda tūraqty komissiialardy qūru, mäslihat hatşysyn sailau, kelesı sessiianyŋ kün tärtıbın bekıtu sekıldı mäseleler qaraldy.
Astana qalasy sailau komissiiasynyŋ töraǧasy İgılık Jalbyrov 20 nauryzda ötken qalalyq mäslihat deputattaryn sailaudyŋ qorytyndysyn jariialady. Onyŋ aituynşa, Astanada 213 sailau uchaskesınde dauys beru jürgızılgen. Sailauşylar tızımıne 400445 sailauşy engızılıp, dauys beruge 296 364 adam qatysqan. Iаǧni, būl – sailauşylardyŋ 74 paiyzy. Al 1821 sailauşy dauys beruge arnalǧan orynnan tys jerde dauys bergen.
Jalpy qalalyq mäslihat deputattaryn sailaudy ūiymdastyru barysynda 4 aumaqtyq, 213 uchaskelık, 25 aimaqtyq sailau komissiialary qūrylyp, oǧan barlyǧy 1694 adam tartylǧan.
Aimaqtyq sailau komissiiasy 121 deputattyqqa ümıtkerdı tırkegen. Tırkeuden keiın 23 kandidat öz ötınışterı boiynşa kandidattyqtan bas tartqan. 42 ümıtker zaŋ būzuşylyqtaryna bailanysty ümıtkerlıkten alynyp tastalǧan. Osylaişa, 25 deputattyq mandatqa 56 kandidat tüsken. Onyŋ 27-sı – saiasi partiialar men qoǧamdyq bırlestıkterden bolsa, qalǧany özın-özı ūsynǧandar. Sailau komissiiasy töraǧasynyŋ aituynşa, sailau ädıl ärı aşyq ötken. Oǧan 1400 baqylauşy qatysqan.
Jūrtşylyqtyŋ köp dauysyn alyp, altynşy şaqyrylymdaǧy qalalyq mäslihattyŋ deputaty bolyp otyrǧan azamattardyŋ bärı «Nūr Otan» partiiasynyŋ müşesı eken. Olardyŋ ışınde 6-uy – äielder.
25 deputattyŋ 20-sy – qazaq bolsa, ekeuı – orys, bıreuı – nemıs, bır tatar jäne bır korei ūltynyŋ ökılı bar.
Barlyq deputat joǧary bılımdı. Sonyŋ ışınde 4 ǧylym doktory, 4 ǧylym kandidaty bolsa, halyq qalaulylarynyŋ 36 paiyzy ekonomikalyq, 24 paiyzy – injenerlık bılımı bar. Sondai-aq, jaŋa qūramnyŋ ışınde mūǧalımderdı de, därıgerler men zaŋgerdı de köruge bolady.
Būdan keiın deputattyq kuälıgın qoldaryna alǧan halyq qalaulylary qyzmetıne kırısıp, alǧaşqy sessiianyŋ kün tärtıbın bekıttı. Olar bırauyzdan Ekonomika jäne biudjettık josparlau basqarmasynyŋ basşysy, deputat Janat Nūrpeiısovtı VI şaqyrylymdaǧy qalalyq mäslihattyŋ hatşysy etıp sailady.
Kün tärtıbındegı mäseleler boiynşa tūraqty komissiialar qūrylyp, onyŋ töraǧalary men qūramy bekıtıldı. Atap aitqanda, Zaŋ, qūqyq tärtıbı jäne qoǧammen bailanys mäselelerı jönındegı tūraqty komissiianyŋ töraǧasy bolyp Gaidar Kasenov, Biudjet, ekonomika, önerkäsıp, käsıpkerlık mäselelerı jönındegı tūraqty komissiianyŋ töraǧasy Miras Şekenov, Qūrylys, ekologiia, kölık, sauda, tūrǧyn üi -kommunaldyq şaruaşylyq mäselelerı jönındegı tūraqty komissiianyŋ töraǧasy Särsembek Jünısov jäne äleumettık-mädeni damu mäselelerı jönındegı tūraqty komissiianyŋ töraǧasy bolyp deputat Mäjit Şaidarov sailandy.
Al kelesı sessiianyŋ töraǧasy retınde deputat Miras Şekenovtyŋ aty atalyp, būl otyrysta industrialdyq-innovasiialyq qyzmet töŋıregındegı mäseleler qaralatyn bolyp şeşıldı.
Qymbat TOQTAMŪRAT
