İzrail mamandarymen täjıribe almasty

İzraildegı eŋ ırı medisinalyq keşenderdıŋ bırı – Haim Şiba medisina ortalyǧynyŋ bır top mamandary Astana qalasy Qoǧamdyq densaulyq saqtau basqarmasynyŋ bastamasymen konsultasiia beru jäne ädıstemelık kömek körsetu, akuşerlık jaǧdaidaǧy tötenşe jaǧdailar boiynşa şeberlık sabaqtaryn ötkızu maqsatynda elordaǧa keldı.

Osy ortalyqtyŋ taŋdap alynuynyŋ bır sebebı, mūnda jylyna 12 myŋǧa juyq bala düniege keledı eken. Osy keşennıŋ akuşerlık-ginekologiia bölımınıŋ meŋ­geruşısı, professor Iаron Rabinovichtıŋ aituynşa, soŋǧy 16 jylda būl klinikada analar ölımı oqiǧasy tırkelmegen.
Osyndai jetıstıkterge qol jetkıze bılgen izraildyq därıgerler būqaralyq aqparat ökılderımen de kezdesuge uaqyt tapty. Şeteldık mamandar qalanyŋ perinataldyq ortalyqtarynda bolyp, jūmysymen tanysyp, äserlerımen bölıstı. Perinataldyq ortalyqtarda qyzmet etıp jatqan ärıptesterınıŋ bılıktıgın laiyqty baǧalap, ǧimarattardyŋ zamanaui tehnologiialarmen jabdyqtalǧan bazasymen tanysty. Äitse de, qol jetken jetıstıkterge toqmeiılsıp qarauǧa bolmaitynyn, ärdaiym zamanaui tehnologiialardy meŋgerıp, därıgerler bılıktıgın arttyra bılgende ǧana jüienıŋ odan ary kemeldene beretının aitty. Kerısınşe bolǧan jaǧdaida, salada toqyrau bastalatyny jasyryn emes. Sarapşylar jalpy älemdık statistikalyq mälımettermen salystyra kele, elorda qoǧamdyq densaulyq saqtau salasynyŋ akuşerlık jäne ginekologiia jüiesındegı oŋ nätijelerın alǧa tartty.
Olar soŋǧy ailarda bolǧan jas tuǧan analardyŋ qazasyna qatysty pıkırlerın bıldırdı. «Bız resmi qorytyndy şyǧaryp, baǧasyn beretın arnaiy komissiia emespız. Degenmen soŋǧy oqiǧalar tūrǧysynda öz pıkırımızdı bıldırmes būryn, däl osyndai jaǧdai oryn alǧanda, özımız ne ıster edık, jas analardyŋ ömırın saqtap qala alatyn ba edık degen sūraq qoidyq. Ökınışke qarai, nauqastardyŋ auru tarihymen tanysa kele, bızde de basqaşa boluy mümkın emes edı degen toqtam jasadyq» deidı qonaqtar.
Bastysy, mūndai oqiǧalardy boldyrmau kerek. Ol üşın mındettı türde profilaktika jūmystaryn jürgızıp, äielderdıŋ öz densaulyǧyna äleumettık jauapkerşılıgı – bosanu üstınde qaza bol­dyrmaudyŋ bırden-bır joly degen or­taq oilarymen bölısken şeteldık mamandar elorda dä­rıger­lerınıŋ bı­lıktıgıne joǧary baǧasyn berdı.