Astanadan auylǧa deiın…
Astana
Aldaǧy jyly elordanyŋ 6 ortalyq köşesıne avtobustarǧa arnalǧan jolaq salynady. Bus Lane jolaǧy Dostyq, D.Qonaev, Türkıstan, Aqmeşıt köşelerınde, sondai-aq, Saryarqa daŋǧylynan K.Kümısbekov köşesıne deiıngı aralyqtaǧy Kenesary jäne Abai köşelerınde paida bolady.
Almaty
äl-Farabi atyndaǧy QazŪU elımızdegı bölıngen oqu granttarynyŋ sany boiynşa köşbasşy atandy. Biyl oqu ornyn 6,6 myŋnan astam üzdık tülek taŋdaǧan.
Şyǧys Qazaqstan oblysy
Semeide 2019 jyldan bastap avtobustar elektrondy biletke köşedı. Qala basşylyǧy qoǧamdyq kölıkter arasynda tender ötkızıp, 170 jaŋa avtobus satyp aludy josparlaǧan.
Qaraǧandy oblysy
Qaraǧandyda haiuanattar baǧynyŋ eskı ǧimaraty ornyna jaŋa nysan salynyp jatyr. Pavilondar klimattyq qondyrǧylarmen jabdyqtalyp, januarlardy qys mezgılınde ūstauǧa qolaily bolmaq.
Atyrau oblysy
Atyrau mektepterınde 300-den asa mūǧalım jetıspeidı. Soŋǧy kezderı bılım ordalarynda orys tıldı synyptarǧa sūranys arta tüsken.
Türkıstan oblysy
Bäidıbek audanynyŋ ortalyǧy Şaian auylynda «Nūrly jer» baǧdarlamasy boiynşa 55 gektar jer telımıne injenerlık-kommunikasiialyq infraqūrylym jürgızıldı. Atalǧan jer telımderı kezekte tūrǧan 326 tūrǧynǧa berıledı.
Aqtöbe oblysy
Aqtöbe oblysyna qarasty Äiteke bi audanynyŋ Qarabūtaq auylynda «Äkeler saiabaǧy» aşyldy. Özı tuyp-ösken auylǧa saiabaqty «Ruhani jaŋǧyru» baǧdarlamasynyŋ «Tuǧan jerge taǧzym» jobasy aiasynda käsıpker Qairat Qoilybaev tartu ettı.