Jazǧy demalysta mektep oquşylary men studentter bos jürmei, jūmysqa ornalasudyŋ qamyna kırısedı. Alaida aiaqtalǧan oqudy kuälandyratyn diplomnyŋ joqtyǧynan jūmys oŋailyqpen tabyla qoimaidy. Al, jastar uaqytyn tiımdı ūiymdastyru maqsatynda jüzege asyp jatqan igı jobalar joq emes. Tek ony köpşılıgı bıle bermeidı. Sonyŋ bırı – «Jastarǧa arnalǧan qoǧamdyq jūmys» baǧdarlamasy.
Qala äkımdıgınıŋ qoldauymen Jūmyspen qamtu jäne äleumettık baǧdarlamalar basqarmasy osy şarany jyl saiyn ötkızıp keledı. Äsırese, jaz ailarynda belsendılık erekşe artatyn körınedı. Tarqatyp aitar bolsaq, ūiymdastyruşylar bailanys ornatqan organdar arqyly jūmys ızdeuşılerdı memlekettık qyzmetke ornalastyrady. Äkımdık bölgen biudjet arqyly 26500 teŋge kölemındegı jalaqysyn da özderı töleidı. Al jūmys uaqyty – künıne 4 saǧat. «Olar volonter, kurer siiaqty qoǧamdyq jūmystarǧa jūmyldyrylady. Ardagerler keŋesıne de quana-quana sūranyp jatyr jastarymyz. Qazırdıŋ özınde 107 adamdy jūmysqa tūrǧyzdyq, älı 450 bos oryn bar. Mūndai mümkındıktı 16 jastan bastap paidalanuǧa bolady. Öitkenı, bankte esepşot aşu üşın jeke kuälık boluy kerek. Sondai-aq, zeinetaqy qoryna da aqşa tüsıp tūrady. Jeke kuälık, oqu orny men meken-jai anyqtamasy, kämeletke tolmaǧandardyŋ ata-anasynan jazbaşa rūqsat talap etıledı» deidı basqarma basşysynyŋ orynbasary Olga Iýrevna. Baǧdarlama boiynşa 6 ai boiy jūmys ısteuge bolady. Oqu uaqyty eskerıledı. Iаǧni, ekeuınıŋ bır-bırıne kedergı bolmauy – basty nazarda.
Mädina JAQYP
