Premer-Ministr Asqar Mamin memlekettık komissiianyŋ qarauyna karantin şaralaryn kezeŋ-kezeŋımen alyp tastau josparyn engızudı tapsyrdy. Būl turaly Ükımettıŋ baspasöz qyzmetı habarlady.
Asqar Maminnıŋ töraǧalyǧymen ötken Ükımettıŋ selektorlyq otyrysynda epidemiiaǧa qarsy ıs-şaralardy ıske asyru barysy qaraldy. Densaulyq saqtau ministrı Aleksei Soi 10 kün ışınde Qazaqstanda koronavirus infeksiiasynyŋ reproduktivtılıgınıŋ ortaşa körsetkışı 0,92-den 0,82-ge deiın tömendegenın baiandady. Sauyǧyp şyqqan adamdardyŋ ülesı 73,6 paiyzdy qūraidy, qalǧandary qajettı em-dom qabyldauda. Tösek oryndarynyŋ jüktemesı 61 paiyzǧa, jedel järdem şaqyru kölemı 62 paiyzǧa (3 232-den 1 232-ge deiın) tömendedı.
«Jalpy alǧanda, elımızdegı sanitarlyq-epidemiologiialyq jaǧdai tūraqty. Nätijeler qabyldanǧan şaralardyŋ tiımdılıgın körsetıp jatyr» dei kele, A.Mamin Densaulyq saqtau ministrlıgıne qalyptasqan epidemiologiialyq jaǧdaidy eskere otyryp, karantin şaralaryn kezeŋ-kezeŋımen alyp tastau josparyn memlekettık komissiianyŋ qarauyna engızudı tapsyrdy.
