Ötken senbı künı Elbasynyŋ tapsyrmasyn oryndau barysyndaǧy şaralar turaly Ortalyq kommunikasiialar qyzmetınde QR Öŋırlık damu ministrlıgı Käsıpkerlıktı damytu saiasaty departamentınıŋ direktory Bauyrjan Bekeşov pen Käsıpkerlıktı damytu komitetınıŋ töraiymy Ǧaliia Joldybaeva mälımdeme jasady.
Brifingte Ǧaliia Joldybaeva keiıngı jyldardaǧy jeke käsıpkerlık subektılerıne jürgızılgen tekseru jūmystarynyŋ qorytyndysy turaly äŋgıme qozǧady. Onyŋ aituynşa, 2013 jyly memlekettık organdar 182 126 tekseru jürgızgen eken. Ol 2012 jylmen salystyrǧanda 25 paiyzǧa az.
2013 jyldyŋ qorytyndysy boiynşa äkımşılık jazalaudyŋ jalpy sanyndaǧy aiyppūl ülesı 98 paiyzdy qūraǧan, al būl memlekettık organdardyŋ eskertudı äkımşılık jazalau şaralary retınde qoldanudy qalamaitynyn bıldıredı. Aiyppūldyŋ somasy 13,8 mlrd teŋgenı qūrady jäne onyŋ negızgı ülesı jospardan tys tekseruler barysynda salynǧan.
Al Bauyrjan Bekeşov biznestı damytuda atqarylyp jatqan şaralar turaly aitty. Ol: «Ministrlık jaqynda Parlamentke «Rūqsattar jäne habarlamalar turaly» Zaŋ jobasyn ūsynady jäne sol Zaŋ käsıpkerlerge auyrtpalyq tüsıretın negızsız rūqsattarǧa tosqauyl qoiatyn bolady» dedı. Zaŋ qabyldanar bolsa, kez kelgen memlekettık organ öz betterınşe jaŋa rūqsattar engıze almaidy. Sonymen qatar, 2014 jyldyŋ 1 qyrküiegıne deiın elımızde käsıpkerlık qyzmet üşın jaǧdaidy tübegeilı jaqsartu mäselelerı jönınde Zaŋ jobasy äzırlenetın bolady.
Rūqsat berudı avtomattandyruǧa qatysty 2012 jyly lisenziialardyŋ barlyq türın ūsynu elektrondy formatqa auystyrylǧany jäne 80 rūqsat beru qūjatynyŋ avtomattandyrylǧany belgılı. 2013 jyly taǧy da 214 rūqsat beru räsımı sondai formatqa köşken-dı. Jalpy, barlyq qūjattardy elektrondy jüiege almastyru 2015 jyly aiaqtalatyn bolady.
