Keşe elordada «Astana – Qazaqstan halqynyŋ ūlttyq bırlıgın nyǧaitudaǧy negızgı faktor» atty ǧylymi-täjıribelık konferensiia öttı.
Qazaqstan halqy Assambleiasynyŋ 20 jyldyǧy aiasynda qolǧa alynǧan şaranyŋ bolmysy da bölekteu. Türlı etnomädeni bırlestıkter men memlekettık mekeme ökılderı jäne jastardyŋ basy qosylǧan būl jiynnyŋ maqsaty – Astana qalasyn Qazaqstan halqy bırlıgın şoǧyrlandyruşy faktor retınde körsetuge baǧyttalǧan mäselelerdı şeşuge arnalǧan dialog alaŋyn qūru. Konferensiiany qalalyq Işkı saiasat basqarmasynyŋ basşysy Baqyt Esımova aşty.
– Biylǧy jyl Memleket basşysynyŋ jarlyǧymen Qazaqstan halqy Assambleiasynyŋ jyly dep jariialandy. Qandai el bolmasyn ışkı tūraqtylyqqa erekşe maŋyz beredı. Bırlık bar jerde tırlıktıŋ de mänı bolatyny aian. Ūltaralyq bırlık – ol tek bır halyqtyŋ ǧana ūstanymy emes, älemdık örkeniettıŋ ortaq müddesı sanalady. Bügıngı taŋda elımızde ūltaralyq kelısımnıŋ qazaqstandyq modelı qalyptasty. Sondyqtan Elbasy jürgızıp otyrǧan ūltaralyq kelısım men dostyq saiasaty bızdıŋ qaşanda basty baǧytymyz bolyp qala beredı, – dedı ol öz oiyn tüiındep.
Şyndyǧynda, ǧylymi şara aşyq pıkırlesu alaŋyna ainaldy. Ärine, onyŋ ärın keltırıp, mänın ädıptegen, erkın oilarymen elge tanys «Qazaqstannyŋ azamattyq aliansy» ZTB prezidentı Nūrlan Erımbetov pen osy ūiymnyŋ vise-prezidentı, jurnalist Artur Platonov boldy. Sondai-aq, «Nūr Otan» partiiasy Astana qalalyq filialy aqparattyq-nasihattyq tobynyŋ jetekşısı Qazybek Qazykenov sekıldı bırqatar azamattar jiyn barysynda ūlttyq bırlık pen etnosaralyq tūtastyqtyŋ tüp qazyǧyna toqtaldy. Jäne bügıngı jas ūrpaq boiyna otansüigıştık qasietterdı molynan sıŋıru men kelısımnıŋ kelıstı kelbetıne ainalǧan elordany ūltaralyq bırlıkten önege alǧan jastar qalasyna ainaldyru jaiynda baiypty oilar aityldy.
Azamat ESENJOL
