Nūr-Sūltan qalasynyŋ äkımı Altai Kölgınov qalanyŋ tört audanyndaǧy kommunaldyq qyzmetterdıŋ aldaǧy qysqa daiyndyǧyn tekserdı. Qys mausymynda joldar men köşelerdı tazalauǧa 2 myŋǧa juyq tehnika men 3,5 myŋ qyzmetker jūmyldyrylady.
Qala basşysy äleumettık nysandarǧa kıretın joldardy, trotuarlardy, aialdamalardy tazalauǧa erekşe nazar audaru qajettıgın atap ötıp, päter ielerı kooperativterımen bırlesıp aulalardy tazalau jūmystaryn küşeitudı tapsyrdy.
Qazırgı kezde qūm-tūz qospasyn daiyndau jūmystary jürgızılude. Elorda äkımı qyzmetkerlerge jaǧdai jasau kerektıgın aityp, jalaqyny uaqytyly töleu, ystyq tamaq ūiymdastyru, tehnikany jaŋartu siiaqty maŋyzdy ısterge toqtaldy. Biyl kommunaldyq qyzmetterge qosymşa 100-den astam tehnika satyp alu josparlanuda. Arnaiy tehnikany satyp alu «Astanaenergoservis» aksionerlık qoǧamynyŋ ünemdelgen qarajaty esebınen jüzege asyrylady. Osyny aitqan A.Kölgınov qyzmetkerlerge igı eŋbekterı üşın alǧysyn jetkızdı.
Sondai-aq A.Kölgınov kömır satylatyn oryndarǧa bardy. Bügıngı taŋda qalanyŋ 11 nüktesınde «qara altyndy» satumen 8 kompaniia ainalysady. Kömırdıŋ ortaşa baǧasy jetkızudı qospaǧanda – 12 myŋ teŋge.
Elorda äkımı kömırdıŋ baǧasy men sapasyn baqylauda ūstap otyrudy ärı qarai jalǧastyra berudı tapsyrdy. Bügınderı iKomek109 qalalyq monitoring jäne jedel äreket etu ortalyǧy janynda qauyrt jelı qūryldy. Onda är tūtynuşy satu nüktesındegı kömırdıŋ bar-joǧy, qanşa qory baryn, baǧasy men türlerı turaly bıle alady. Sonymen qatar qaladaǧy kömırge qatysty aqparat qala jäne audandar äkımdıkterınıŋ resmi saittary men äleumettık jelılerındegı paraqşalarynda jariialanyp otyrady.
