Futboldan Qazaqstan chempionatynyŋ premer ligasynda 29 turdyŋ oiyndary öttı.
Almatynyŋ «Qairaty» öz alaŋynda «Aqtöbenı» qabyldap, 6:0 esebımen oisyrata ūtyp, 62 ūpaimen turnir kestesınıŋ basyna şyqty. Al Şymkentte bolǧan «Ordabasy» men «Astana» matchy turdyŋ eŋ qyzyqty ärı tartysty oiyny boldy deuge negız bar. Olai deitınımız, eger «Astana» būl oiynda jeŋılıp qalǧanda biyl chempion ataǧynan airylyp qalatyn qauıp bolǧan. Alaida būl bäsekede teŋ nätije tırkeldı. 1:1 esebı «astanalyqtardyŋ» altynşy ret qatarynan chempion atanuyna mümkındıktı saqtap qaldy. Üzdık üştıktı äzırge «Tobyl» tüiındep tūr.
Chempionattyŋ aiaqtaluyna nebärı 3 tur qaldy. Osy oiyndarda ūlttyq bırınşılıktıŋ jeŋımpazy men jüldegerlerın bıletın bolamyz.
Aitpaqşy, 2019 jylǧy Qazaqstan Kubogyn Qyzylordanyŋ «Qaisar» komandasy jeŋıp aldy. «Astana Arena» stadionynda ötken finaldyq oiynda «Qaisar» men «Atyrau» negızgı uaqytta 1:1 esebımen teŋ tüsken, alaida over-taimda «Qaisardyŋ» baǧy janyp, aldaǧy jyly tūŋǧyş ret Europa Ligasynda oinauǧa joldama aldy.
Būl matchtyŋ taǧy bır aitarlyǧy, qos komandanyŋ janküierlerı töbelesıp tarady.
