– 2022 jyl elımız üşın auyr kezeŋderden bastalyp, halqymyz kürdelı synaqtardy ötkeruge tura keldı. Osy qiyn-qystau kezeŋde Qazaqstan halqy bırlıgınıŋ arqasynda elımız kürdelı de qauıptı synaqty eŋsere aldy. Osyǧan bailanysty Memleket basşysy Qasym-Jomart Kemelūly Toqaev QR Konstitusiiasyna säikes batyl ärı dūrys şeşımderdı der kezınde qabyldady.
Biylǧy 11 qaŋtarda Memleket basşysy Qasym-Jomart Toqaev QR Parlamentı Mäjılısınıŋ otyrysynda eldegı jaǧdaidy tolyq taldap, halyqtyŋ äl-auqatyn jaqsartu jönındegı şaralardy ūsyna otyryp, tübegeilı reformalardyŋ qajettılıgın eskerıp, jaŋadan qūrylǧan Ükımetke naqty tapsyrmalar bergen bolatyn. Sonymen qatar taiau uaqytta jedel şeşıluı qajet negızgı mäselelerdı atap öttı. Mıne, sol uaqyttan berı ekı ai ötıp, Memleket basşysy däl osy QR Parlamentı palatalarynyŋ bırlesken otyrysyna qatysyp, Qazaqstan halqyna Joldau jasady. Prezidenttıŋ būl Joldauy eŋ aldymen halyqtyŋ äl-auqatyn jaqsartuǧa yqpal etetının jäne jaqyn arada ıske asyrylatyn reformalardyŋ jaŋa baǧdarlamasy men äleumettık-ekonomikalyq baǧytta atqarylatyn ıs-şaralary turaly boldy.
Memleket basşysy öz Joldauynda memlekettık instituttardy damytu üşın naqty baǧyttardy aiqyndap berdı. Būl öz kezegınde halyqtyŋ äl-auqatyn jaqsartuǧa yqpal etetınıne senımdımız.
Joldauda aiqyndalǧan baǧyttardy jüzege asyru üşın jaŋadan qūrylǧan Ükımetke alda talai ıster kütıp tūrǧanyn sezıngen jön. Osyǧan bailanysty halyqpen dialog ornata otyryp, problemalardy bırlese şeşıp, naqty nätijelerge qol jetkızetınıne senemız.
Qalai degenmen de el azamattary erteŋgı künge senedı. Eŋ bastysy, bız halyq bırlıgı men el täuelsızdıgıne nazar audaruymyz kerek. Bızdıŋ küş-quatymyz – berekelı bırlıkte!
Halil MASLOV,
L.Gumilev atyndaǧy EŪU «Alaş» ǧylymi-zertteu institutynyŋ qyzmetkerı:
