Londonnan Nūr-Sūltanǧa jettı
Ūlybritaniianyŋ astanasy London qalasyna 29 säuır künı jolǧa şyqqan «Beibitshilik jane birlik. Peace and unity» halyqaralyq veloşeruı qazaq elınıŋ elordasy Nūr-Sūltan qalasynda märege jettı.
Veloşeru komandasy Qazaqstanda tūratyn 6 ūlttyŋ ökılderınen qūralǧan. Olar velosipedpen 7 eldıŋ 55 qalasynda bolyp, 6000 şaqyrymdyq joldy jürıp öttı. Osyǧan bailanysty Qazaqstan Respublikasynyŋ Syrtqy ıster ministrlıgı Ūlybritaniia, Belgiia, Gollandiia, Germaniia, Polşa, Belarus pen Reseidegı Qazaqstannyŋ elşılıkterınde sol qalalarda tūratyn qazaq etnostarynyŋ jäne jergılıktı BAQ ökılderınıŋ qatysuymen bırqatar kezdesu ötkızgen. Attanar aldynda veloşabandozdardy Londonda jäne Soltüstık İrlandiiada tūratyn qandastarymyz ben qazaq studentterı şyǧaryp salypty.
Biylǧy jastar jylyna arnap «Qazaq geografiialyq qoǧamy» Kazakh Geographic Society» qoǧamdyq bırlestıgı ūiymdastyrǧan veloşeruge qatysuşylar elorda künıne orai bas qaladaǧy «Saryarqa» velotregınıŋ aldynan Qabanbai batyr daŋǧylymen Ūly dala köşesıne būrylyp, odan oŋǧa qarai Aqmeşıt köşesımen jürıp, EXPO qalaşyǧynyŋ №9 finiş qaqpasynan ötıp, auqymdy jobany tüiındedı.
Saltanatty şara odan ärı EXPO qalaşyǧynyŋ sahnasynda jalǧasyn tapty. «Qazaq geografiialyq qoǧamy» Kazakh Geographic Society» qoǧamdyq bırlestıgınıŋ prezidentı Tölegen Tastanbekov pen Qazaqstan halqy Assambleiasy töraǧasynyŋ orynbasary Iýsup Keligov jinalǧandardy elorda künımen qūttyqtady.
Aita ketsek, salauatty ömır saltyn qalyptastyru, būqaralyq sportty damytu maqsatynda ūiymdastyrylǧan halyqaralyq veloşeru Qazaqstannyŋ bırlıgı künıne orai Qazaqstan halqy Assambleiasynyŋ ūiytqy boluymen bastalǧan bolatyn.