Astanada jergılıktı jūrt pen syrttan keletın qonaqtarǧa arnalǧan «Bäiterek», «Duman», «Han şatyr», «Mega» sekıldı demalys oryndary barşylyq. Alaida, köpşılık olarǧa oiyn-sauyq qūru üşın barmasa, basqa maqsatty közdemeidı. Adamdy ruhani tūrǧydan baiytatyn mūrajailar, teatrlardy qospaǧanda, elordada «Atameken» Qazaqstan kartasy» etno-memorialdyq keşenınen özge jerdı emge tappaisyz. Būl olqylyqtyŋ orny toltyrylmaq. Bas qalamyzda bır emes, ekı mädeni nysan boi kötermek. Onyŋ bırı – etnosaiabaq bolsa, ekınşısı – «expo – 2017» halyqaralyq körmesı qarsaŋynda salynatyn etnoauyl.
ETNOSAIаBAQ ŪLTTAR MÄDENİETIN KÖRSETEDI
Memleketımızde 130-ǧa tarta ūlt ökılderı tatu-tättı tūratyny ämbege aian. Etnosaiabaq saludyŋ maqsaty – Qazaqstan halqymen qosa şetelden keletın qonaqtardy olardyŋ mädenietımen tanystyru. Būl oryn elımızdegı turizmdı damytuǧa da mümkındık beredı dep kütılude. 132 gektardy alatyn aumaqta etnoauyldar, dendrosaiabaqtar, qonaqüiler, ūlttyq ashanalar paida bolady. Sondai-aq, bas jobalauşy «ŞATT Qūrylys» JŞS etnosaiabaqqa keluşılerdıŋ kölıkterıne arnauly oryn da bölmek.
Joba jetekşısı, säuletşı Ǧalym İsabaevtyŋ aituynşa, etnosaiabaq älemde teŋdesı joq nysanǧa ainalmaq. «Özge elderdegı etnosaiabaqtar negızınen arheologiianyŋ nemese säulet önerınıŋ bır ǧana taqyrybyn qamtyp, bır ǧana ūlttyŋ mädenietın körsetedı. Al, Astanadaǧy etnosaiabaq polietnikalyq mädeniettı Qazaqstandy mekendeitın ūlttardyŋ dästürımen bırıktıredı» deidı ol.
Sūrap bılgenımızdei, saiabaqtyŋ basty qūrylysy etnoortalyq bolmaq. Oǧan Qazaqstan halqy assambleiasynyŋ mäjılıs zaly, körme zaldary, barlyq etnos mädenietterın körsetetetın interaktivtı-virtualdy mūrajai, mädeniet jäne öner ortalyǧy, därıshanalar, sauda oryndary, mūraǧaty bar oqu zaldary kıredı. Etnosaiabaqta türlı halyqaralyq şaralar, qūryltailar, älemdık deŋgeidegı simpoziumdar ötkızılmek. Säuletşınıŋ pıkırınşe, būl oryn şaǧyn jäne orta biznes ökılderın de özıne tartady.
Taǧy bır atap öterlıgı, jobalauşylar etnosaiabaqtyŋ ekologiialyq jaǧyna da köŋıl bölıp otyr. Onyŋ aumaǧynda Energotiımdı innovasiialyq tehnologiialar ortalyǧy jūmys ıstep, kün batareialary men jel generatorlary syndy jaŋartylatyn energiia közderı paidalanylmaq.
«NAǦYZ QAZAQ OSY, MINE, TANYP QOI!»
Jaqynda Astanaǧa resmi saparmen kelgen Halyqaralyq körmeler biurosynyŋ bas hatşysy Visente Lossertales: «Qazaqstan pavilony tek balamaly energiia közderin igerudı ǧana emes, ol sonymen qatar, memlekettiŋ tarihyn, mädenietin, önerin aşyp körsetkeni jön. Qazaqstan tek taqyryptyq körmege ainalyp ketpes üşin, biz osyndai mäselelerdi engizu jöninde talqylaular jürgizemiz» degen edı.
Rasymen, «EXPO-2017» körmesı kezınde Astanamyzǧa 5 mln qonaq qonaq keledı dep boljanuda. Olardyŋ 2 milliony turister bolmaq. Qonaqtar ǧylymi jetıstıkterımızben qosa, elımızdıŋ mädenietı men tūrmysyna da üŋıletını sözsız. Sol kezde olarǧa ne körsetemız? Ärine, körseterımız jetkılıktı. Eŋ aldymen, bai mädenietımızden habar beretın qazaqtyŋ etnoauylymen maqtana alamyz.
Etnoauyl üş myŋ şarşy metrdı alady. Būl jönınde jaqynda «Astana EXPO-2017» Ūlttyq kompaniiasynyŋ basqarma töraǧasy Talǧat Ermegiiaev mälımdedı. Onyŋ aituynşa, qazır kompaniia Mädeniet ministrlıgımen bırge nysannyŋ qūrylysyn tiianaqtap jatyr. Etnoauyl ejelden kele jatqan tarihymyz ben mädenietımızdı, dästürımızdı körsetedı. Ol jerge şeberler auyly da salynady. Bır sözben aitqanda, etnoauyl arqyly şeteldıkter qazaqtar jaily maǧlūmat alatyn bolady.
Amanǧali QALJANOV
