Keşe «Qazaq elı» monumentı aldynda Ūlystyŋ ūly künıne arnalǧan negızgı ıs-şaralardyŋ şymyldyǧy aşyldy. Osynau saltanatty jiynǧa Elbasy Nūrsūltan Nazarbaev qatysyp, küllı Qazaq elın ūly meirammen qūttyqtady.
Bızdıŋ küşımız – bırlıkte
– Qūrmetti otandastar! Äz Nauryz merekemiz barşamyzǧa qūtty bolsyn! Ūlystyŋ ūly küni degen – memlekettiŋ ūly merekesi degen söz. Būl – kün men tün teŋelip, köktem bastalatyn, adam da, januarlar da türlenıp, tabiǧatpen birge jasanatyn tamaşa kez. Bes myŋ jyldan beri atalyp kele jatqan äz Nauryz täuelsizdigimizben birge meniŋ jarlyǧymmen osydan 23 jyl būryn qaita oraldy. Sodan beri ūlttyq meiramymyz birliktıŋ, tatulyqtyŋ, tūraqtylyqtyŋ nyşany retınde toilanyp keledı, – dedı Elbasy qūttyqtau sözınde.
Memleket basşysynyŋ aituynşa, täuelsızdık alǧan jyldardaǧy elımızdıŋ jetken jetıstıkterı az emes. Elımız 23 jyldyŋ ışınde adam tanymastai özgerıp, aty älemge tanyldy. Ösıp-örkendegen eldermen terezesı teŋestı. Damudyŋ daŋǧyl jolyna tüsken Qazaq elı Saryarqanyŋ tösıne ädemı Astanasyn saldy. Mūndai tolaiym tabystar tek halqymyzdyŋ bırlıgı arqasynda kelgenın Elbasy eske saldy:
– Toleranttyq, tatulyq pen tūraqtylyq –Qazaqstannyŋ taŋdaǧan joly. Būl ideiany täuelsızdıgımızdı jariialaǧan künnen bastap jüzege asyryp kelemız. Būl – ūly qazyna, bız ony közdıŋ qaraşyǧyndai saqtauǧa tiıspız. Elımızde 100-den astam etnos, 40-qa juyq dıni konfessiia ökılderı tatu-tättı ömır sürıp keledı. Sonyŋ arqasynda elımızdıŋ ırgesın berık qaladyq, süiıktı elordamyzdy tūrǧyzdyq, – dedı Elbasy.
Söz joq, elımızdıŋ ärdaiym tynyştyq besıgınde terbelıp, saiasi tūraqtylyqtyŋ saqtalyp tūrǧany maŋyzdy. Dünie jüzınde alauyzdyqtan arazdasyp, onyŋ soŋy qandy şaiqasqa ūlasqan talai eldı közımız körıp jür. Elbasy aitqandai, jyl saiyn ǧalamşarda 30-ǧa juyq qaruly qaqtyǧys tūtanyp, jüz myŋdaǧan adam qantögıstıŋ qūrbany bolady. Al 800 millionǧa juyq adam aştyqtyŋ azabyn tartsa, 400 million adam bır tamşy suǧa zar bolyp otyr. Küllı älemdı dürbeleŋge salǧan keleŋsız oqiǧalar elımızge de salqynyn tigızuı mümkın. Elımız auyzbırşılık pen tatulyqty saqtaǧanda ǧana bar qiyndyqtarǧa tötep bermek. Eŋ bastysy, qazaqstandyqtardy bırıktıretın ortaq maqsat pen damu baǧdary bar. Ol – «Qazaqstan – 2050» strategiiasy men älemdegı eŋ üzdık 30 eldıŋ qataryna qosylu mındetı. Bügınge deiın aldyna qoiǧan maqsatyna adaspai jetken elımız būl asudy da baǧyndyrary anyq. Oǧan dälelder de joq emes.
– Bükıl älemde jūmys oryndary qysqaryp jatqan kezde bız industriialyq-innovasiialyq baǧdarlama aiasynda 60 myŋ jūmys ornyn aştyq, «Jūmyspen qamtu – 2020» baǧdarlamasy şeŋberınde de halyqty jūmyspen qamtamasyz etıp, azamattardy jaŋa mamandyqtarǧa baulydyq. Būǧan qosa, öz Jarlyǧymmen biudjettık mekeme qyzmetkerlerınıŋ jalaqysyn arttyrudy tapsyrdym. Menıŋ şeşımıme qoldau körsetıp, öz ūjymdarynyŋ eŋbekaqasyn kötergen kompaniialardyŋ bärıne alǧys aitamyn» dedı Elbasy.
Būdan keiın ızgılık pen igılıktıŋ nūry tögılgen äz Nauryzben barşa jūrtşylyqty taǧy da qūttyqtaǧan Memleket basşysy Ūlystyŋ ūly künın Qazaq memleketımen qatar, älemnıŋ 30 elınıŋ 300 millionnan astam halqy atap ötıp jatqanyn aitty.
–«Köktemniŋ bir küni – bir jylǧa azyq» degen söz bar. Biyl, mıne, ūly merekemızdı bes kün qatarynan toilaǧaly otyrmyz. Nauryzda ainalany kögalandandyryp, aulalardy tazartyp, būlaqtyŋ közın aşuǧa tiıspız. Ūlystyŋ ūly künı aǧaiyndar bır-bırımen qauyşyp, renjıskenderı tatulasyp, adamdardyŋ bärı bır-bırıne ystyq lebızderın bıldıredı. Sol ızgı tılektıŋ barlyǧy qabyl bolsyn. Elımız aman, jūrtymyz tynyş bolsyn. Är otbasyǧa şyn jüregımnen zor baqyt, tynyştyq, bereke-bırlık tıleimın, – dep Elbasy sözın tüiındedı.
Köktem beinesındegı körkem şou
Elbasynyŋ qūttyqtauynan keiın jūrtşylyq «Qazaq elı» monumentı alaŋynyŋ törınde tıgılgen ülken sahnadan «Nauryz – 2014» atty kompozisiialyq qoiylym men konserttık baǧdarlamany tamaşalady.
Kün men tün teŋelgen köktem merekesın beinelegen baǧdarlamanyŋ şymyldyǧy Qūrmanǧazynyŋ «Saryarqa» küiımen aşyldy. Ile «Qasiettı köktem» kompozisiialyq qoiylymy sahnalandy. Būl körınıste köktem merekesı qazaqtyŋ salt-sanasymen üilesımdı beinelenıptı. Aldymen ortaǧa Aqan serı änşı-küişılerımen şyǧyp, köktemnıŋ şuaqty sätterınen syr şerttı. Kenet aspandy būlt torlap, älgı ädemı körınıster közden ǧaiyp boldy. Ainalany appaq qar basty. Bıraq köp ūzaǧan joq. Ainala qaitadan jaŋaryp, köktemnıŋ jan jadyratar jaimaşuaq künı töŋırektı nūrǧa böledı. Sahnanyŋ qaq ortasyna ornatylǧan LED-ekrandaǧy köktemgı körınıster būl qoiylymdy tıpten äserlendırıp jıberdı. Jūrtşylyqtyŋ jüregıne jetken osynau kompozisiiany «El» prodiuserlık ortalyǧy Ǧalym Doskennıŋ ideiasymen ärı jetekşılıgımen jasap şyǧarypty.
Qoiylymnyŋ soŋy belgılı önerpazdardyŋ konsertıne ūlasty. Änşıler Tamara Asar, Äli Oqapov jäne «Keşiu», «Jıgıtter», «MuzArt» toptary änderımen şaşu şaşyp, mereke körıgın qyzdyrdy.
Nauryz – naǧyz jyl basy. Halqymyz ejelden-aq «eskı jyl, esırke, jaŋa jyl, jarylqa» degen ızgı tılekpen Nauryzdy qarsy alady. Osy qazaqy josynmen eskı jyldyŋ iesın aq qūiyp şyǧaryp salǧannan keiın halyq jaŋa Jylqy jylyn qarsy aldy. Ortaǧa qos pyraqty kädımgı aq boz at şyǧa kelgende, taŋǧalmaǧan adam joq. Jinalǧan jūrtşylyq qoşemetın du qol şapalaqpen bıldırdı.
Este qalar erek meiram
Biylǧy Nauryzdyŋ erekşelıgı de köp boldy. Keşendı ūiymdastyrylǧan şaralardyŋ ışınde alǧaş ret ötkızılıp jatqandary da bar. Sonyŋ bıregeiı –türkı halyqtarynyŋ ashanasy festivalı. Būǧan qalamyzdaǧy 70-ke juyq ärtürlı meiramhanalar qatysty. Aitalyq, türık, özbek, ūiǧyr, äzerbaijan ökılderı jūrtşylyqqa özderınıŋ ūlttyq taǧamdarynan däm tatqyzdy. Mysaly, «Mumtaz» meiramhanasynyŋ direktory Botagöz Ahtaeva qazaqtyŋ jal-jaiasynan tartyp, bauyrsaǧyna deiın alyp kelgenın, sonyŋ ışınde özbektıŋ palauyn da ūmytpaǧanyn jetkızdı.
Künnıŋ salqynyna qaramastan, elordalyqtar Nauryzdy köterıŋkı köŋıl-küimen qarsy aldy. Qalalyq äkımdık te qarap qalmai, Nauryz merekesıne arnalǧan şaralardy üş topqa bölıp, keşendı jospar jasapty. Ruhani-ideologiialyq, mädeni-şyǧarmaşylyq şaralarmen qosa, äleumettık baǧytty da ūmyt qaldyrmaǧan ūiymdastyruşylar 600-ge juyq otbasyǧa barlyǧy 2 million 850 myŋ teŋge kölemınde bır rettık qarjylai kömek körsettı. Sondai-aq, jaǧdaiy tömen otbasylarǧa, jalǧyzbasty zeinetkerlerge, mügedek balalar men jetımderge materialdyq kömekten basqa, elordanyŋ öner ordalarynda ötetın şaralardy tegın tamaşalauǧa mümkındık berıldı. Osy mereke kezınde bezendıru jūmystaryna – 175 mln teŋge, al jalpy ıs-şaralarǧa – 150 mln teŋge qarjy jūmsalǧan. Olardyŋ ışınde orta jäne şaǧyn biznes ökılderı men käsıporyndar äleumettık jauapkerşılık tanytqanyn atap ötken jön.
Qymbat TOQTAMŪRAT
