Saltanat Tüitebaev – qarttyq jasqa jetıp qalǧanyna qaramastan sportty janyna serık etıp jürgen jan. Ol jaqynda ǧana Niderlandy astanasy Amsterdamda halyqaralyq marafonǧa qatysyp keldı. Osy jarysta astanalyq marafonşy Niu-Iork marafonyna 75 jastan asqandar tobynda qatysu normativın oryndady.
Jyl saiyn ötetın «Altyn Leibl» märtebesı bar Amsterdam marafonyna biyl 13480 sportşy qatysqan. Alǧaş ret būl marafon 1928 jyly 5 tamyzda jazǧy Olimpiada aiasynda ūiymdastyrylǧan eken.
Saltanat aǧa būǧan deiın 70 jastaǧylar arasynda jügırıp jürgen edı. Soŋǧy bes jyldyŋ ışınde ol talai jetıstıkterdı baǧyndyrdy. Avstraliiada marafonnan ardagerler arasynda ötken älem chempionatynda kümıs jüldeger atandy, Jaŋa Zelandiiada ardagerler arasyndaǧy olimpiada chempiony boldy. Singapurdaǧy halyqaralyq marafonnyŋ jeŋıs tūǧyryna köterıldı. Dubai, Antaliia, Dohada marafondarynda bas jüldenı qanjyǧasyna bailasa, İspaniiada ötken jarystyŋ kümıs jüldesın ielendı.
Qart sportşynyŋ osy jetıstıkterımen toqtalyp qalatyn türı joq. Endı Niu-Iork marafonynda 75 jastan asqan ardagerler arasynda baǧyn synap körmekşı. Būl jarysqa 52 myŋ adam qatysady dep kütılıp otyr. Būl da – ataǧy alysqa jaiylǧan jarys. Niu-Iork marafony 1896 jyly bastalǧan. S.Tüitebaev osy marafonda jaqsy nätije körsetıp, 2021 jyly Japoniiada ötetın ardagerler arasynda Olimpiadaǧa qatysudy qazırden-aq josparlap jür.
Salauatty ömır saltyn ömırınıŋ özegıne ainaldyrǧan, halyqaralyq därejedegı sport şeberı marafon jarystaryna qatysuǧa ärdaiym qoldau körsetıp jürgen Mädeniet jäne sport basqarmasy basşysynyŋ orynbasary Berık Marjyqpaevqa alǧys aitqym keledı deidı jeŋısterıne marqaiyp.
Rasul AITQOJA
