Nūr-Sūltan qalasy mäslihatynyŋ deputattary iKOMEK109 bıryŋǧai bailanys ortalyǧynyŋ jūmysymen tanysty. Būl ortalyqqa kün saiyn qala tırşılıgıne qatysty 5 myŋnan astam ötınış kelıp tüsedı. Onyŋ denı qoǧamdyq kölık qozǧalysymen bailanysty eken. Atap aitqanda, jyl basynan berı 1 mln 278 myŋ ötınış qabyldansa, sonyŋ 230 myŋy avtobustardyŋ qalada qatynauy turaly boldy.
BARLYQ QYZMETTERDI BIR JÜIEGE JİNAQTADY
– Ortalyq qala tūrǧyndarynyŋ ömır süru sapasyn jaqsartu jäne qalalyq ortany damytu maqsatynda qūryldy. Şaharda servistıŋ sapasyn köterudı, qalada qabyldanatyn şeşımderge tūrǧyndardy tartudy, «kerı bailanysty» jaqsartudy, jüzege asyrylyp jatqan jobalardyŋ aşyqtyǧyn qamtamasyz etudı közdedık. Qalada 17 basqarma, 38 kommunaldyq-apattyq qyzmet, 81 lift kompaniiasy, 488 PİK, 31 memlekettık medisinalyq mekeme jūmys ısteidı. Tūrǧyndar mäselelerı tuyndaǧanda, keibır kommunaldyq qyzmettermen bailanysa almai qinalatyn. Bız barlyq qyzmetterdı bır jüiege jinaqtadyq. iKOMEK109 üş mekemenıŋ qosyluynan paida boldy. Biudjet te, qyzmetkerler de sodan jasaqtaldy, – deidı ortalyq basşysy Jannat Dübırova.
Ortalyqty qūrudan būryn Oŋtüstık Koreia, Singapur, Ūlybritaniia, AQŞ siiaqty bırneşe elderdıŋ üzdık täjıribelerı zertteldı. Sarapşylarǧa bärınen AQŞ-tyŋ «911» qyzmetınıŋ ülgısı ūnaǧan. Būl memlekette «311» qyzmetı de bar. Amerikalyqtar jäne osy elge barǧan turister belgılı bır mäselelerı boiynşa osy ekı qyzmetke habarlasa alady. Iаǧni, osy ekı telefon nömırın bılse, jetkılıktı.
TÖTENŞE JAǦDAILARDA «112» NÖMIRI KÖMEKTESEDI
iKOMEK109-ǧa tūrǧyndar, negızınen, kommunaldyq mäseleler tuyndaǧanda habarlasady. Sonymen qatar qazır qalada pilottyq rejimde tötenşe jaǧdailar jäne jedel järdem qyzmetterımen bırge «112» nömırı synaqtan ötkızılıp jatyr. Jaqynda būl nömır tolyqtai ıske qosyluy tiıs. Al iKOMEK-ke toǧyz bailanys qūraly, sonyŋ ışınde «Smart Astana» arqyly habarlasuǧa bolady. Onyŋ bärı bıryŋǧai avtomattyq jüiege qosylǧan. Osyǧan deiın kelıp tüsken ötınışterdıŋ 78 paiyzy «bırınşı qoŋyraudan» şeşımın tapqan.
Mäselenıŋ şeşıluıne qarai qala äkımı orynbasarlarynyŋ, audan äkımderınıŋ, basqarma basşylarynyŋ reitingı jasalady. Bıryŋǧai bailanys ortalyǧynyŋ qyzmetkerlerı beinebaqylau zaly arqyly qala köşelerındegı tärtıptı de qadaǧalaidy. Rūqsat etılmegen oryndarda alkogoldı ışımdıkterdı ışu, basqa da osy siiaqty tärtıp būzuşylyqtar oryn alǧanda dereu polisiiaǧa habarlaidy. Ötken jyly ortalyq qūqyq qorǧau organdaryna osyndai 4 myŋnan asa habarlama jıbergen.
«ŞŪBARǦA» BEINEBAQYLAU KAMERALARY KEREK
Osy oraida qalalyq mäslihat deputaty Ramziia Ömırbaeva «Şūbar» şaǧyn audanynda beinebaqylau kameralaryn ornatu kerektıgın aitty. «Şaǧyn audan tūrǧyndarynan maǧan osyndai ötınış kelıp tüstı. Būl mäselenı bırneşe ret köterdım. Audan 30 paiyzǧa ǧana jaryqtandyrylǧan. Maŋaidaǧy mektepke ekınşı auysymda baratyn balalar üilerıne saǧat keşkı 7-8-de qaitady. Qazır būl uaqytta qaraŋǧylyq tüsedı. Sondyqtan oquşylar üşın alaŋdaityn jaǧdai tuyp otyr. «Şūbarda» jol apattary da jiı oryn alady. Kölık ielerı būǧan kelgende jyldamdyq rejimın saqtamaidy. Şaǧyn audanda beinebaqylau kameralardyŋ bolmaǧany olarǧa tiımdı bolyp otyr. Patrul de onda tūrmaidy» deidı deputat.
«Astana Innovations» AQ basqarma töraǧasynyŋ orynbasary Meiram Diusiukovtyŋ aituynşa, qalada beinebaqylau kameralaryn köbeitu boiynşa audandardyŋ äkımdıkterınen ötınışter tüsıp jatyr. «Osy künge deiın qalada 7 myŋ kamera ornatyldy. Bıraq būl azdyq etıp tūr. «Şūbarǧa», «Köktal», «Ürker» tūrǧyn alaptaryna olardyŋ qajettılıgın bılemız. Negızı qalany tügel qamtu üşın 15 myŋ beinebaqylau kamera kerek. Qala äkımdıgıne säikes ötınıştı jıberdık. Qazır bırlesıp osy mäselenı qaraudamyz. Bastapqyda bız Mäskeu, Gete köşelerı siiaqty qylmys jiı oryn alatyn köşelerdı qamtuǧa tyrystyq. Memlekettık-jekemenşık ärıptestık kelısımşart aiasynda jūmys ıstep jatyrmyz» deidı ol.
«SERGEK» QOǦAMDYQ QAUIPSIZDIKTI DE QADAǦALAIDY
Qaladaǧy «Sergek» beinebaqylau jüiesımen «Körkem Telekom» JŞS ainalysyp otyr. Mäslihat deputattary osy ūiym jūmysymen de tanysty. «Köpşılıgı «Sergek» beinebaqylau kameralary kölık qozǧalysyn ǧana qadaǧalaidy dep oilaidy. Şyndyǧynda, olai emes. 4 myŋ kamera halyq köp jinalatyn oryndar men aulalarda, 6 myŋ kamera joldarda ornatylǧan. Būǧan qosa, jol tärtıbın qadaǧalauşylarǧa 1 myŋ planşet berıldı» deidı serıktestık direktory Äset Ahmetov.
Onyŋ sözınşe, qazır qalada jol apattary azaidy. Jyl basynan berı 21 jol apaty adam ölımımen aiaqtalyp, 25 adam qaiǧyly qazaǧa ūşyraǧan. Joldaǧy qauıpsızdıktı baǧalauǧa arnalǧan Vision Zero jüiesı şaharda jaiau jürgınşılerge emes, kölıkterge jaqsy jaǧdailar jasalǧanyn körsettı. Kölık keptelısı taŋerteŋ jäne keşkı uaqyttarda oryn alatynyn baiqaimyz. Oquşylardyŋ kanikuly kezınde nemese demalys künderı keptelıs azaiatyn körınedı.
KEPTELISTI QALAI AZAITAMYZ?
«Bız tiıstı taldau jasadyq. Keptelıs taŋǧy saǧat 07.40-08.40 aralyǧynda qatty bolady. Sosyn bırte-bırte azaiady. Jūmys künderı 170-180 myŋ kölık qala joldaryna şyǧady. Kanikul bolǧanda olar 150-160 myŋǧa tüsedı. Keptelıstı azaitu üşın qalada mektep avtobustaryn köbeitu kerek dep esepteimız. Kem degende 200-300 sondai avtobus boluy tiıs. Qazır qalada osy jūmyspen ainalysatyn «Skulbas» kompaniiasy bar. Bıraq olardyŋ kölıkterınıŋ sany problemany 1-2 paiyzǧa ǧana şeşıp otyr. Iаǧni, kölıkter qozǧalysyna äserın tigızbeidı. Qabanbai batyr daŋǧylyn keŋeitu jospary jasaldy. Joldardy keŋeitkennen görı avtobustardy köbeitu tiımdırek bolady dep oilaimyz» degen Ä.Ahmetov «Sergek» beinebaqylau jüiesı men jol qauıpsızdıgıne qatysty ärtürlı aqparat berdı.
29 qazan künı ötetın qalalyq mäslihattyŋ köpşılık tyŋdauyna qaladaǧy foto-beinetırkeu jäne beine-taldau jüiesınıŋ jūmysy şyǧarylady. Sol kezde mäsele jan-jaqty qaralady.
