Asyl dınımızde bılım alu, ǧylym meŋgeru joǧary baǧalanady. Elımızdıŋ är tükpırınen ai asyp, jyl sanap boi körsetıp kele jatqan meşıt mūnaralary men namazǧa jiylǧan jūrtşylyqtyŋ qarasynan halyqtyŋ dınge degen yqylasy men yntasynyŋ artqany baiqalady.
Keşe elordamyzdaǧy «Astana» medresesınde jaŋa oqu jylyna şäkırtterdı qabyldau emtihany ötkızıldı. Memlekettık emtihanda Qazaqstan mūsylmandary dıni basqarmasynyŋ Şariǧat jäne pätua bölımınıŋ meŋgeruşısı Sansyzbai Şoqanov, Oqu-aǧartu bölımınıŋ meŋgeruşısı Baqtybai Beisenbaev bastaǧan bılıktı ūstazdar şäkırtterdıŋ bılım deŋgeilerın anyqtady. Şäkırttermen sūhbat jürgızıp, türlı saualdar qoidy. Būǧan qosa, qazaq tılı jäne Qazaqstan tarihy pänderı boiynşa JOO oqytuşy-professorlarynyŋ arnaiy qatysuymen test te jürgızıldı.
Bügınde dınge bet būryp, qūbylasyn tani bastaǧan jastarymyzdyŋ keibırı terıs piǧyldy aǧymdardyŋ şyrmauyna ılıgıp qalyp jatady. Jaŋylysqan jastarymyzdyŋ basym bölıgı orys tıldı jetkınşekter ekenın bügınde köz körıp, qūlaq estıp jür. Osy jaidy jönge salu maqsatynda biyl Qazaqstan mūsylmandary dıni basqarmasy tarapynan orys tıldı uaǧyz-nasihatty jandandyru maqsatynda tyŋ jobalar äzırlengen bolatyn. Respublikalyq, jergılıktı qazaq jäne orys tıldı aqparattyq-nasihat toptary (RANT, JANT) qūrylyp, öŋırlerde dın nasihatyn jürgızdı. Biylǧy medrese şaŋyraǧynda orys tıldı toptar da osy maqsatta aşylyp, qabyldau emtihanynda jalpy sany 52 şäkırt baqtaryn synap, 47-sı medrese şäkırtı atandy. Onyŋ 34-ı qazaq tobyna tüsse, 13 bala orys tobynda üş jyl ılım igeruge mümkındık aldy.
