Elorda äkımı keşe taŋerteŋgı aralau kezınde qaladaǧy ekı mektepte bolyp, olardyŋ aumaǧynda jaŋadan salynyp jatqan qosalqy ǧimarattar qūrylysymen tanysty.
Bırınşı nysan – №31 mektepte (Kenesary köşesı, 49) qazır üş auysymda oqytu jürıp jatyr. Salynyp jatqan jaŋa ǧimarat mekteptıŋ şamadan tys jüktemesın jeŋıldetuge jäne ekı auysymda oqytuǧa köşuge kömektesedı. Qosalqy ǧimarat 530 oquşyǧa arnalǧan. Tapsyru merzımı – keler jyl. Ekınşı nysan – №28 mektepte (Petrov köşesı, 8) 1800-den astam oquşy oqidy. 300 oryndyq jaŋa ǧimaratty osy jyldyŋ aiaǧyna deiın tapsyru josparlanyp otyr. Keşkılık aralau kezınde elorda äkımı №40, 8 jäne 60 mektepterge bardy. Olardyŋ aumaǧynda jaŋa bılım nysandary bolady.
Qala äkımı A.Kölgınov qūrylys jūmysy merzımın saqtaudy jäne aumaqty abattandyruǧa erekşe köŋıl bölu qajettıgın tapsyrdy.
Qala basşysy 2020 jyly elordada köru qabıletı būzylǧan balalarǧa arnalǧan mamandandyrylǧan balabaqşanyŋ qūrylysyn da aralap kördı.
Tūran daŋǧyly men K.Kümısbekov köşelerı qiylysynda ornalasatyn arnaiy balabaqşa 90 orynǧa arnalǧan. Äkım arnaiy balabaqşanyŋ jabdyqtaluyna män beruın aitty. Qazır elordada köru qabıletı būzylǧan balalarǧa arnalǧan 2 balabaqşa jūmys ısteidı.
