Astana ekonomikalyq forumy aiasynda Qazaqstan Respublikasy Energetika ministrlıgı, Astana qalasynyŋ äkımdıgı jäne Nazarbaev ziiatkerlık mektepterı derbes bılım beru ūiymy men «Şell» kompaniiasy arasynda «Mektepterge kün energiiasy» qanatqaqty jobany ıske asyru boiynşa memorandumǧa qol qoiyldy.
Astana, Almaty, Aqtau, Atyrau, Oral qalalaryndaǧy Nazarbaev ziiatkerlık mektepterınde kün fotoelektrlık jüiesı ornatylady dep habarlaidy Astana qalasy äkımdıgınıŋ resmi saity.
«Mektepterge kün energiiasy» atty jobany ıske asyru 2016 jyly «Şell» kompaniiasynyŋ QR Energetika ministrlıgımen bekıtılgen memorandum aiasynda jüzege asady. Atalǧan joba «Jasyl ekonomikaǧa köşudıŋ» jalpyūlttyq auqymda maqsatyn odan ärı qoldau boiynşa şaǧyn gabarittı energiia öndırıs salasyn damytuǧa baǧyttalǧan.
«Osy memorandum aiasynda bız mektepterdıŋ şatyrlaryna kün fotoelektrlık jüiesın ornatamyz. Būl joba jaŋartylatyn energiia közderın tiımdı paidalanudyŋ tamaşa ülgısı jäne bolaşaqta elımızdıŋ basqa aimaqtarynda engızıluı mümkın» dep atap öttı Astana äkımı Äset İsekeşev.
