Keşe äkımdıkte qala basşysy Baqyt Sūltanovtyŋ töraǧalyǧymen memlekettık baǧdarlamalardyŋ ıske asyru joldaryn talqylaǧan jiyn öttı.
Aldymen kün tärtıbınde 2016-2019 jyldarǧa arnalǧan densaulyq saqtaudy damytu baǧdarlamasynyŋ jūmysy söz boldy. Būl mäsele jaiynda äkımnıŋ orynbasary Nūrlan Nürkenov baiandama jasady. Onyŋ aituynşa, soŋǧy üş jylda tūrǧyndardyŋ medisinalyq kömek körsetudıŋ sapasyna köŋılderı tolarlyq. 2017 jyldyŋ qorytyndysy boiynşa bas qalada adamnyŋ ömır süru ūzaqtyǧy 76,2 jasqa jetken.
Äkım orynbasary N.Nürkenov elımızdegı tūrǧyndardyŋ jasyn ūzartu boiynşa elorda aldyŋǧy orynda ekenın aitty. Būl bas qaladaǧy medisina salasyndaǧy atqarylǧan jūmystardyŋ nätijesınde jaqsaryp otyr. Sondai-aq elordada säbilerdıŋ ömırge kelu deŋgeiı joǧary. Türlı aurulardan bolatyn ölım-jıtım de azaiǧan.
Odan keiın qala biudjetınıŋ oryndaluy, 2016-2019 jyldarǧa arnalǧan Bılım jäne ǧylymdy damytu memlekettık baǧdarlamasynyŋ jūmysy da talqylandy.
Elorda basşysy öz sözınde mektepterdegı oquşylardyŋ şamadan tys tolyq boluy da özektı mäselenıŋ bırı ekendıgın atap öttı. Jiyn barysynda Astana äkımı öz orynbasarlaryna investisiialyq jobalardyŋ ıske asyryluyn uaqytyly qamtamasyz etudı tapsyrdy. «Bız söz etken baǧdarlamalar jūmysy biyl aiaqtalady. Aldymyzda az ǧana uaqyt qaldy. Oǧan deiın bıraz şarualardy bıtıruımız qajet. Eŋ bastysy, būl şaralardyŋ bärı äleumettık salaǧa qatysty bolyp otyr» dedı Baqyt Sūltanov.
Otyrysta qaladaǧy jauǧan qardy şyǧaru mäselesı de nazardan tys qalmady. Qoǧamdyq damu ısterı basqarmasynyŋ basşysy Daniiar Esin Nauryz merekesı qarsaŋynda şahardy bezendıru jūmystary turaly baiandama jasady.
