Keşe Aqordada Prezident Nūrsūltan Nazarbaev el damuyna eŋbegı sıŋgen bır top azamatqa QR Memlekettık syilyǧy men «Qazaqstannyŋ eŋbek sıŋırgen qairatkerı» qūrmettı ataǧyn tapsyrdy.
Memlekettık syilyq aluǧa kelgen azamattardy elımızdıŋ ūly merekesı – Täuelsızdık künımen qūttyqtaǧan Prezident:
– Qazaqta «Eŋbegıne qarai qūrmetı» degen qanatty söz bar. Bügın, mıne, eldıŋ damuyna üles qosyp jürgen aituly azamattarǧa tiıstı qūrmet körsetkelı otyrmyz. Mūndai syilyqtardyŋ tabystaluy – täuelsızdıgımızdıŋ arqasy. Būl dästür derbes el boluymyzdyŋ qadırın tereŋ sezındıre tüserı sözsız. Qazırgı alǧaly otyrǧan syilyqtaryŋyz – sızderdıŋ ǧana emes, tūtas elımızdıŋ tabysy, – dep atap öttı.
Eŋ aldymen, ǧylym men tehnika salasynda üzdık nätijelerge qol jetkızgen jekelegen azamattar men ūjymǧa Memlekettık syilyq tapsyrǧan Elbasy «Būl ǧalymdarymyzdyŋ täuelsizdikti tūǧyrly etuge qosqan ülesi» degen baǧa berdı.
Memlekettık syilyq alǧandardyŋ qatarynda halyqaralyq deŋgeidegi matematikalyq problemalardy şeşu jolyn ūsynǧan ǧalym Tynysbek Kälmenov, qazirgi medisina salasynda ozyq tehnologiialardy engizu jolynda ter tögıp jürgen professor Serik Aqşolaqov basqaratyn Respublikalyq neirohirurgiia ǧylymi ortalyǧynyŋ ūjymy, jalpy ūzyn-sany 15 adam bar.
Al «Qazaqstannyŋ eŋbek sıŋırgen qairatkerı» ataǧyn änşı Qaraqat Äbıldina, «Miuzikola» duetınıŋ solisı Karina Abdullina, ärtıs Nūrlan Älımjanov, Qazaqstan dizainerlerı odaǧynyŋ prezidentı Timur Süleimenov, «Astana balet» horeografiialyq ūjymynyŋ bas baletmeisterı Alila Älışeva, «Qazaqstan Respublikasy Prezidentınıŋ Teleradiokeşenı» ŪAQ bas direktory Erlan Bekqojin, T. Jürgenov atyndaǧy Qazaq ūlttyq öner akademiiasynyŋ professory Smaǧūl Elubaev, taǧy basqalar enşıledı.
Elbasynyŋ Memlekettık beibıtşılık jäne progress syilyǧy körnektı aqyn, qoǧam qairatkerı Oljas Süleimenovke berıldı. Memleket basşysy belgılı tūlǧanyŋ el damuyna sıŋırgen eŋbegın erekşe atap öttı.
Qymbat NŪRǦALİ
