Otbasy institutyn därıptep, adami qūndylyqtardy nyǧaituǧa baǧyttalǧan dästürlı «Mereilı otbasy» baiqauynyŋ qalalyq kezeŋı öz märesıne jettı.
Saiysqa qatysuǧa Nūr-Sūltan qalasy boiynşa 70-ke juyq otbasy ötınış bıldırgen. Olardyŋ arasynda ūrpaq tärbiesıne jauapty mūǧalımder de, dertke şipa ızdegen därıgerler de, jolauşylar üşın künı-tünı qyzmet etetın temırjolşylar da, segız qyrly önerpazdar otbasy da bar. Är äulettıŋ ömır joly, tärbie mektebı ärtürlı. Sondyqtan olardyŋ ışınen eŋ üzdıkterın ırıktep alu ädıl qazylar alqasy üşın oŋaiǧa soqpady.
Soŋynda qazylardyŋ şeşımı boiynşa, jarystyŋ bas jüldesıne Qoibaqovtar otbasy laiyq dep tanyldy. Qoibaqovtar – Ūly Otan soǧysynyŋ ardagerı men Batyr anadan taraǧan ūlaǧatty äulet. Äulettegı ata men äje on balany ösırıp, bügınde odan otyz ekı nemere, otyz bır şöbere, bes şöpşek süiıp otyr. Otbasyndaǧy on balanyŋ üşeuı – ǧylym doktory, ekeuı – ǧylym kandidaty, ekeuı – zaŋ qyzmetkerlerı, al üşeuı medisina mamandary eken. Jeŋımpaz otbasyny Nūr-Sūltan qalasy äkımınıŋ orynbasary Erlan Qanalimov marapattady.
Mūnymen qosa, baiqau qorytyndysy boiynşa Düisenǧazy otbasy I oryndy, Daueşovter jäne Mäljanbaevtar otbasy II oryndy, Ospanqūlovtar men Qadyrbaevtar äuletı III oryndy qanjyǧaǧa bailady. Būdan bölek, erekşe qyrlarymen közge tüsken äuletterge arnaiy nominasiia tabystaldy. Atap aitsaq, Abdullinder äuletı – «Äleumettık belsendı otbasy» atalymyna, Aitqūlovtar – «Talantty otbasy» atalymyna, Spataevtar äuletı «Sportşy otbasy» atalymyna ie boldy.
Änel JARYLǦASYNQYZY,
Qarjy akademiiasynyŋ
studentı
