MINSIZ QOLTAŊBA
Amerikada jazu jazatyn kışıgırım robot paida boldy. Būl robottardyŋ mümkındıgı şeksız ekendıgın taǧy da bır däleldei tüstı. Ony Evil Mad Scientist kaliforniialyq kompaniiasy oilap tapty. Maşinany kalligrafiialyq jazu ülgısıne daiyn şablondar arqyly «üirettı».
AxiDraw roboty A4 qaǧaz paraǧyna mätın jazyp, suret salady. Qalamsap retınde qūs jündı qalam, marker, qaryndaş jäne basqa keŋse tauarlaryn paidalanady. Maşina ıske qosylu üşın Inkscape vektorlyq grafikanyŋ redaktory boluy kerek. Jüienıŋ arqasynda bırızdı kalligrafiialyq jazumen qatar qūjattarǧa qol qoiuǧa bolady. AxiDraw-ny şyǧaruşylar qūrylǧymen aşyq hattardy, torttardy äsemdeuge keŋes beredı.
Aita ketu kerek, däl osyndai robot naryqqa 2015 jyldyŋ basynda şyqqan edı. «Bond» dep atalatyn qūrylǧy qara siiamen sızdıŋ qoltaŋbaŋyzdy ainytpai qaitalaidy. Tapsyrys berem deuşıler üşın onyŋ qūny – 200 dollar. Al qarapaiym ülgıdegı jazu 3 dollar tūrady. Smartfonmen jazylǧan habarlama mobildı qosymşa arqyly robottyŋ elektrondyq poştasyna jıberıledı. Qalǧan şaruany robottyŋ özı atqarady. Sondai-aq, körkem jaza bıletın Bond hatty konvertke salyp, ony balauyzben jabystyra alady.
Güldana TALǦATQYZY
Materialdy “Astana aqşamy” gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.