Memleket basşysynyŋ Jarlyǧymen biyl säuır aiynan orta jäne şaǧyn käsıpkerlık subektısın tekseruge moratorii jariialanǧany belgılı. Sonyŋ nätijesınde elımızdegı 40 myŋnan asa käsıpkerlık subektılerı tekserısten bosatyldy.
Ūlttyq käsıpkerler palatasynyŋ resmi saitynda (palata.kz) jariialanǧanyndai, 2013 jyly käsıpkerlık subektılerıne 200 myŋnan asa tekseruler jürgızılgen bolsa, biyl bügınge deiın 423 tekseru ǧana jasalǧan. Onyŋ ışınde 3 tekserıs baqylau jäne qadaǧalauşy organdardyŋ josparly tekserısı bolsa, qalǧan tekserulerdıŋ barlyǧyna käsıpkerler özderı müddelılık tanytqan körınedı. Bas prokuraturanyŋ Qūqyqtyq statistika jäne arnaiy esepke alu komitetınıŋ mälımetı boiynşa, Qazaqstanda şaǧyn jäne orta biznes subektılerın tekseruge qatysty moratorii erekşe baqylauda tūr. Moratorii küşıne engen merzımde Bas prokuratura 10 myŋnan astam tekserıstı toqtatqan. Endı, mıne, biyl 40 myŋnan asa käsıpker tekserısten bosatylyp otyr.
