Keşe Astana qalasynyŋ äkımı Ädılbek Jaqsybekovtıŋ töraǧalyǧymen ötken apparat otyrysynda qalalyq infraqūrylymdy abattandyru mäselelerı qaralyp, aumaqtardy sanitarlyq tazartu, tūraq oryndaryn jasau jäne elorda tūrǧyndaryn mazalaityn basqa da mäseleler talqylandy.
Kommunaldyq qyzmetterdıŋ basty mındetı – qalada tazalyqty qamtamasyz etu. Alaida, belgılenbegen oryndarda qūrylys jäne tūrmystyq qaldyqtardy üiu, qoqysty beibereket tögu faktılerı anyqtalyp jatady. Otyrys barysynda soǧan nazar audarylyp, aumaqtardy tap-tūinaqtai etpegen audan äkımderıne eskertu jasaldy.
Ä.Jaqsybekov sanitarlyq normalardy būzudy joiu üşın bır apta uaqyt berdı. Būl rette audan äkımdıkterınıŋ de, ekologiialyq polisiianyŋ da üilesımdı jūmys ısteuı qajet ekendıgı atap ötıldı.
«Elorda tūrǧyndary men qonaqtary Qala künın jaily jaǧdaida qarsy aluǧa tiıs, aumaqtardyŋ bärı jinalyp, tazartyluy kerek» dedı Ä.Jaqsybekov.
Säulet jäne qala qūrylysy basqarmasy tarapynan körsetıletın qyzmetterge erekşe nazar audaryldy. Qala äkımı basqarmanyŋ halyqpen jūmys ısteu sapasynyŋ qanaǧattanarlyqsyz ekendıgın atap ötıp, jaǧdaidy jaqsartu boiynşa şaralar qabyldap, jūmys kestesın qaita qaraudy tapsyrdy.
Qala äkımdıgı tūrǧyndarǧa jaily boluy üşın IID Äkımşılık polisiia basqarmasynyŋ tırkeu emtihan bölımı infraqūrylymy men yŋǧaily tūraǧy bar basqa ǧimaratqa köşıru mäselesın qarastyratyn boldy. Elorda basşysy, sondai-aq, TEB jūmysynyŋ sapasyna toqtalyp, operatorlar sanynyŋ jetıspeitının jetkızdı.
«Halyqpen jūmys ısteu – qalalyq basqarmalardyŋ negızgı mındetterınıŋ bırı. Būl jerde eŋ bastysy – memlekettık organdarǧa emes, tūrǧyndarǧa qolaily jaǧdai jasau» dep atap öttı elorda äkımı.
