«Nūr Otan» partiiasynyŋ Astana qalalyq filialy Esıl audandyq bölımşesınıŋ ökılderı «Ünsız älem» qoǧamdyq qaiyrymdylyq qory qyzmetkerlerımen kezdestı. Kezdesu barysynda äleumettık käsıporyndardyŋ sanyn köbeitu jäne mümkındıgı şekteulı jandardy jūmyspen qamtu mäselesı söz boldy.
«Kezdesudıŋ negızgı maqsaty – «Ünsız älem» qaiyrymdylyq qoryna qalamyzdaǧy biznes qūrylymdarynyŋ nazaryn audaru jäne mümkındıgı şekteulı jandarǧa arnalǧan jūmys oryndaryn köbeitu bolatyn. Būl ümıtımız aqtalyp otyr. Kezdesu barysynda käsıpkerler atalmyş qor turaly, qyzmetkerlerı men olardyŋ qolynan şyqqan aluan türlı önımdermen tanysty. Osynyŋ arqasynda qordyŋ bazasynda bolaşaqta mümkındıgı şekteulı adamdardy qaita daiarlau jäne aşyq eŋbek naryǧyna beiımdeuge arnalǧan mamandandyrylǧan käsıptık ortalyq qūru turaly uaǧdalastyqqa qol jetkızıp otyrmyz. Būl joba käsıpkerlerdıŋ qoldauymen ıske asatyn bolady» deidı «Nūr Otan» Astana qalalyq filialynyŋ ökılı Rauşan Jakenova.
«Ünsız älem» qaiyrymdylyq qoǧamdyq qory 2009 jyldyŋ 21 säuırınde estu qabıletı tömen jandardyŋ bastamasymen qūrylǧan bolatyn. Qazırgı taŋda qorda kädesyi zattary men kez kelgen kürdelı tıgın önımderın, logotipter jäne ūlttyq oiu-örnek türlerınen önımder jasaityn mümkındıgı şekteulı 18 adam jūmys ısteidı.
Būǧan qosa, qor janynda estu qabıletı tömen adamdarǧa arnalǧan «Surdo-audarmanyŋ dispetcherlık qyzmetı» bar. Surdo-audarmaşylar habarlasqan mümkındıgı şekteulı adamdar atynan ūialy telefon arqyly mätındık habarlama, əleumettık jelıler men elektrondy jəşıkterge hat jıberedı. Öz kezegınde dispetcher-surdo-audarmaşy jedel-jərdem, polisiia, ört söndıruşıler men basqa da qūtqaru qyzmetterın şaqyruǧa sondai-aq, emdeu, əleumettık jəne özge de mekemelerge kezek jaza alady. Sonymen qatar, atalmyş qor tek qana mügedek jandarǧa ǧana emes, tūrmysy tömen otbasylarǧa da qaiyrymdylyq körsetıp keledı. Qor ǧimaratynda kiımderdı qabyldap, tiıstı öŋdeuden ötkızgennen soŋ, qajet etetın adamdarǧa beretın ortalyq jūmys atqarady.
«Qazaqstannyŋ barlyq aimaqtarynan mümkındıgı şekteulı qolönerşıler öz qolöner būiymdaryn bızge jıberıp jatady. Bız olar jıbergen önımderdı satylymǧa şyǧuyna kömek beremız. Osy maqsatta Astana qalasynyŋ sauda oiyn-sauyq ortalyqtary jäne Astana qalasy äkımdıgınıŋ «Jūmyspen qamtu ortalyǧymen» tyǧyz qarym-qatynasta jūmys ıstep otyrmyz. Endı jobamyzǧa «Nūr Otan» partiiasy qoldau bıldırıp otyr» deidı «Ünsız älem» QQ direktorynyŋ orynbasary Läzzat Tölepbergenova.
Bürkıt NŪRASYL
