Keşe Oŋtüstık Koreianyŋ Phenchhan qalasynan aqjoltai aqparat jettı. Paralimpiada tarihynda Qazaqstan sportşysy tūŋǧyş ret altyn medal jeŋıp aldy.
Şaŋǧy sportynyŋ baǧdarlamasy boiynşa 1,5 kilometrlık sprint jarysynda qazaqstandyq Aleksandr Koliadin märe syzyǧyn bırınşı bolyp kestı. Aiaǧynda protezy bar jerlesımız jarys jolyn 4 minut 19,7 sekundta baǧyndyrdy.
Kümıs jüldege japoniialyq İoşira Nitta ie bolsa, qola medal kanadalyq Mark Arenske būiyrdy.
Qostanailyq şaŋǧyşynyŋ qūrmetıne Olimp tūǧyrynda Qazaqstannyŋ kök bairaǧy köterılıp, änūrany şyrqaldy.
