Öz salasynyŋ üzdık mamandaryn anyqtaityn «Astana taŋdauy-2013» baiqauyna ūsynylǧandardyŋ bırı – Nūrlan Syzdyqov.
Nūrlan Erkenūly 1958 jyly Semei oblysynyŋ Besqaraǧai audanyna qarasty Begen auylynda düniege kelgen. 1985 jyly Tomsk qalasyndaǧy äskeri-medisinalyq institutty tämamadaǧan. Mamandyǧy – äskeri därıger. «Qazaqstan Respublikasy densaulyq saqtau ısınıŋ üzdıgı», «Qūrmettı şekaraşy». 2011 jyly zeinetke şyǧyp, bügınde jeke käsıpkerlıkpen ainalysady.
«Äkemız öz qyzmetın Aşhabad qalasyna jaqyn Baharden kentınen bastaǧan. Sol jerdegı şekara jasaǧynyŋ medisinalyq kömek körsetu punktınde därıger boldy. 1986 jyly bır jylǧa juyq uaqytyn Auǧanstanmen şekaralas Tahta-Bazar qalasynda ornalasqan şekara jasaǧynda ıssaparda ötkızdı. Uaqytşa qūrylǧan injenerlık qūrama jasaqta äskeri-medisina qyzmetın basqardy. Özınıŋ qyzmettık mındetterınen tys sol aumaqta ornalasqan şekara beketterınıŋ jeke qūramdaryna därıgerlık kömek körsettı. Sol şalǧai Qaraqūmda geologiialyq barlau jasap jürgen mamandar jaraqat alǧanda, äkem emdegen. 1988 jyly äkemızdı Duşanbe qalasyndaǧy äskeri bölımge äskeri-medisinalyq qyzmettı basqaruǧa auystyrǧan. 1989 jyldyŋ aiaǧyna taman bastalǧan tötenşe jaǧdai kezınde basynan jaraqat alyp, miy şaiqalǧan ofiserdı gospitalǧa aparuǧa mümkındık bolmai qalǧan kezde, ol on kün boiy em jasaǧan eken. 1990 jyly äskeri qyzmetın Petropavlovsk-Kamchatskiide jalǧastyrdy. Tynyq mūhityndaǧy Kuril, Kamandor siiaqty araldarda ornalasqan şekara beketterındegı sarbazdarǧa därıgerlık tekseruler jasap, evakuasiialaudy ūiymdastyryp otyrdy. Elımız täuelsızdık alardyŋ aldynda qyzmet jaǧdaiymen Almaty qalasyna auysty. Almaty qalasyndaǧy Boraldai garnizonynda, qazırgı şekara akademiiasynda, äskeri jöndeu zauyttarynda qyzmet atqardy» deidı äkesınıŋ ömır joly turaly syr şertken Bauyrjan Syzdyqov.
Qūrmettı şekaraşy on jylǧa juyq QR ŪQK Şekara qyzmetınıŋ sanitarlyq-epidemiologiialyq jasaǧynda epidemiologiia bölımınıŋ bastyǧy qyzmetın atqarǧan. Indetke qarsy şaralardy ūiymdastyryp, köptegen infeksiialyq oşaqtardy joiuǧa tıkelei aralasqan. Zeinet jasyna şyqqanǧa deiın Astana qalasyndaǧy ŪQK Şekara qyzmetınıŋ Ortalyq apparatynda bas sanitarlyq därıger mındetın abyroimen atqardy.
Bügınde otbasynda tört bala tärbielep, ekı nemere süiıp otyrǧan Nūrlan Erkenūlyn ūl-qyzdary maqtan etedı. «Bız äkemızdıŋ ömırı önegelı, eŋbegı ülgı bolatyndai, jauapkerşılıgı mol käsıp iesı boldy dep sanaimyz. Oǧan dälel ötken ömır joldary» deidı qyzy İndira Syzdyqova.
Gülmira AIMAǦANBET
