Elordada köpbalaly, tūrmysy tömen jäne tolyq emes otbasynan şyqqan balalar men jasöspırımderge arnalǧan jaŋa «Zamandas» otbasylyq aula kluby aşyldy. Jaŋa klub «Öndırıs» kentınde (Lesozavod) ornalasqan №49 orta mektebınıŋ bazasynda aşyldy. Qosymşa bılım beru jäne damytu demalysymen halyqtyŋ äleumettık osal toptarynan 200-den astam balany qamtu josparlanuda.
«Biylǧy jyly elordada halyqtyŋ äleumettık osal toptarynyŋ balalaryna arnalǧan aula klubtarynyŋ sany köbeigenı quantady. Mūnda olar tegın bılım alyp, ärtürlı üiırmelerge qatysady. Bos uaqytyn tiımdı ötkıze otyryp, özınıŋ damu jaŋa baǧytyn aiqyndaidy. «Samruk-Kazyna Trust» qorynyŋ qoldauymen barlyǧy 5 klub aşyldy, onda 2 200-den astam bala bar» dep mälımdedı «Samruk-Kazyna Trust» Äleumettık jobalardy damytu qorynyŋ bas direktory Diias Äzbergenov.
Balalar men jasöspırımderge arnalǧan «Zamandas» klubynda tegın 20 üiırme bar: art-terapiia, horeografiia, şahmat, sändık-qoldanbaly öner, aviamodeldeu, teatr üiırmesı, karate, muzykalyq (dombyra), u-şu, kung-fu, vokal, söileudı damytu, toǧyzqūmalaq, robototehnika, aǧylşyn jäne qazaq tılı kurstary jäne t.b.
«Biylǧy jyly ekı jaŋa aula kluby aşyldy, bıreuı – osynda, Öndırıs kentınde, al ekınşısı – Silikatnyi kentınde. Mūnda öz qyzmetın tegın ūsynatyn damu ortalyqtary öte az. Būl tūrǧyda tūrmysy tömen otbasylar üşın qiyn. «Zamandas» otbasylyq aula klubynda balalar futbol, horeografiia, şahmat, vokal, qoian-qoltyq küres siiaqty üiırmelerde jattyǧularmen ainalysa alady» dedı «Zamandas 21» qoǧamdyq qorynyŋ direktory Läzzat Alşynova.
Sondai-aq jaŋa klubta mediasiia kabinetı ūiymdastyrylǧan, onda «Zamandas» klubynyŋ mamandary äzırlegen «Baqytty otbasy» kluby aiasynda psiholog ata-analarmen jäne balalarmen jūmys ısteidı. Jyl saiyn «Baqytty otbasy» kluby ata-analarǧa kömek körsetedı, olar üşın otbasyndaǧy qolaily jaǧdai jasauǧa, eresekter men balalar arasyndaǧy özara tüsınıstıkke baǧyttalǧan treningter men keŋester ūiymdastyrady. Barlyq qyzmetter tegın körsetıledı.
Ūqsas jaŋalyqtar
Leave a Reply