Kuälıkter kartalarǧa auysty
Qala äkımdıgınde memlekettık qyzmet salasynda qabyldanǧan jaŋaşyldyqqa arnalǧan baspasöz maslihaty öttı.Aǧymdaǧy jyly 26 qaraşada «Memlekettık qyzmet turaly» zaŋǧa qūqyq qoldanu täjıribesı barysynda anyqtalǧan keibır olqylyqtar men qaqtyǧystardy joiu üşın özgertuler engızılgenı belgılı. Osy oraida Memlekettık qyzmet ısterı agenttıgı Nūr-Sūltan qalasy boiynşa departamentınıŋ basşysy Jandos Särsen būl mäjılıste bırqatar özgerısterdı atap öttı. Onyŋ aituynşa, äkımşılık lauazymdarǧa konkurstan tys taǧaiyndauǧa qūqyǧy bar adamdardyŋ sany keŋeitıldı. Bos basşylyq lauazymdardy jedel toltyru üşın basşylyq lauazymdardyŋ mındetterın uaqytşa taǧaiyndau merzımı 3 aimen şektelgen jäne memlekettık organdardyŋ bırınşı basşylarynyŋ kömekşılerı men keŋesşılerıne basşylyq lauazymdardyŋ mındetterın uaqytşa taǧaiyndauǧa tyiym salyndy. Būryn memlekettık qyzmetşılerdı oqytu tek Memlekettık basqaru akademiiasynda jüzege asyrylyp kelse, endıgı kezekte QR Prezidentınıŋ janyndaǧy bılım beru ūiymdarynda jäne olardyŋ filialdarynda, derbes bılım beru ūiymdarynda jüzege asyrylady. Qabyldanǧan zaŋǧa säikes, damyǧan elderde qoldanylatyn jaŋaşyldyqtar engızıletın bolady. Osylaişa halyqaralyq täjıribege sai memlekettık qyzmetşılerdıŋ köpşılıgınıŋ qyzmettık kuälıkterı säikestendıru kartalaryna auystyrylady. «Negızgı jalpy tüzetuler, iaǧni konkurs räsımderın jetıldıruge, kadr mäselelerın şeşude memlekettık organdardyŋ jedeldıgın arttyruǧa, kadrlardyŋ jetıspeuşılıgı qaupın tömendetuge, memlekettık qyzmetşılerdıŋ jauapkerşılıgın joǧarylatuǧa baǧyttalyp, käsıbi memlekettık apparat qūruǧa mümkındık beredı» dedı J.Särsen.