Turizmdı damytuǧa arnalǧan körme

Tūŋǧyş Prezident merekesı aiasynda QR Ūlttyq mūrajaiynda turizmdı damytu maqsatynda «Oral: Qazaqstannyŋ Batys qaqpasy» fotokörmesı aşyldy.Batys Qazaqstan aimaǧynda turizmnıŋ damu mümkındıkterın körsetu; perspektivtı turistık marşruttardy keŋınen nasihattau; turistık baǧyttardy jaŋartu; turistık äleuettı zertteudı maqsat etken «Araily Aqjaiyq» ekspedisiiasy ötkızılgen bolatyn. QR Ūlttyq mūrajaiynda ekspedisiia kezınde tüsırılgen jäne taŋdap alynǧan 30 fotosuret qoiylǧan, «Araily Aqjaiyq» ekspedisiiasynyŋ fotosuretterı men maqalalar «National Geographic Kazakhstan» jäne Reseidegı «National geographic» jurnaldarynda jariialandy. Elımızdıŋ soltüstık-batysynda ornalasqan, jalpy aumaǧy 151,3 myŋ şaqyrym qūraityn Batys Qazaqstan oblysy özınıŋ jaǧyrapiialyq ornalasuy jaǧynan turizmdı damytuǧa asa qolaily öŋır bolyp tabylady. Oblys Qazaqstannyŋ Atyrau jäne Aqtöbe oblystarymen, Resei Federasiiasynyŋ Saratov, Volgograd, Orynbor, Samara, Astrahan sekıldı bes bırdei guberniiasymen şekaralas jatyr. Sondai-aq Oral qalasy aumaǧyndaǧy Jaiyq özenı Europa men Aziia qūrlyqtaryn ekıge bölıp tūr. Sondyqtan, Batys Qazaqstandy Euraziia kındıgındegı oblys dep nyq senımmen aituǧa bolady.